Genoeg vir 6 mense

Bereidingstyd: 10 minute

Gaarmaaktyd: 30 minute

2 groot aartappels, in kwarte gesny

250 g spek, gekap

1 rooi soetrissie, fyn gekap

25 g botter

6 sprietuie, fyn gekap

6 eiers

125 ml (½ k) cheddarkaas, gerasper

sout en peper

1. Voorverhit die oond tot 180 °C. Kook die aartappels 20 minute in soutwater of tot dit heeltemal gaar is. Dreineer en laat dit afkoel voor jy dit in blokkies sny.

2. Maak ’n kleefvrye braaipan warm, ongeveer 20 cm in deursnee. Braai die spek tot dit goudkleurig is; laat die ekstra vet afdrup. Voeg die botter, gekapte aartappels en die helfte van die sprietuie by. Braai ’n paar minute oor lae hitte.

3. Klits die eiers en voeg die kaas, sout en peper by. Gooi die eiermengsel oor die spek en aartappels. Roer ’n paar minute liggies in die pan en laat die tortilla oor ’n lae hitte gaar word tot dit set en daar nog ’n bietjie ongebakte eier bo is.

4. Sprinkel die ekstra uie en kaas bo-op en plaas in die oond tot die boonste deel gaar is en die kaas gesmelt het. Sny die tortilla in pizzasnye vir voorsit.

- Hope Malau