LEWER 1 TERT VAN 23 CM

Bereiding: 30 minute

Verkoeltyd: 3 uur

45 ml (3 e) vlapoeier

45 ml (3 e) mielieblom

1 eier

60 ml (¼ k) suiker

1 L (4 k) melk

1 blik (385 g) kondensmelk

2 pakkies (200 g elk) Tennisbeskuitjies

kaneel vir oorstrooi

  1. Meng die vlapoeier, mielieblom, eier en suiker met ’n bietjie melk om ’n pasta te vorm.
  2. Verhit die res van die melk en die kondensmelk in ’n kastrolletjie en voeg die vlamengsel by. Roer oor matige hitte tot die mengsel verdik het en kook.
  3. Pak ’n laag Tennis-beskuitjies in ’n tertbak van 23 cm en bedek met ’n laag vla. Herhaal die lae tot die vla op is.
  4. Eindig met ’n laag vla en strooi kaneel oor.
  5. Plaas 3 uur in die yskas om te stol.