Bereiding: 10 minute

Baktyd: 30 minute

Genoeg vir 4 mense

125 ml (½ k) strooisuiker

180 ml (¾ k) koekmeelblom

10 ml (2t) koeksoda

knipppie sout

1 ekstragroot eier

250 ml (1 k) melk

5 ml (1 t) asyn

15 ml (1 e) botter, gesmelt

5 ml (1 t) karamelgeursel

Sous

80 ml (? k) bruinsuiker

30 ml (2 e) botter

250 ml (1 k) room

Voorverhit die oond tot 180 ºC en smeer vier bakkies.

Sif die droë bestanddele saam.

Klits die eier, melk, asyn en botter saam.

Voeg die droë bestanddele by die eiermengsel en roer tot glad.

Roer die karamelgeursel in en giet die mengsel in die gesmeerde bakkies.

Bak 20 minute.

Sous Meng al die bestanddele in ’n kastrol en roer tot die botter smelt.

Prik klein gaatjies in elke poeding en skep die sous bo-oor. Laat afkoel.

Haal uit die bakkies en sit voor met vla.

Volg Huisgenoot op Twitter.