Lewer 1 koek

Bereiding: 30 minute

Baktyd: 30-40 minute

KOEK

125 g botter

375 ml (1½ k) suiker

4 ekstragroot eiers

500 ml (2 k) koekmeel

20 ml (4 t) bakpoeier

1 ml (¼ t) sout

250 ml (1 k) melk

125 g botter

VLAMENGSEL

130 g botter

250 ml (1 k) versiersuiker

500 ml (2 k) melk

100 ml vlapoeier

5 ml (1 t) vanieljegeursel

Voorverhit die oond tot 180 °C en smeer ’n 23 cm koekpan

  1. KOEK Verroom die botter en suiker tot lig en romerig Klits die eiers een vir een by en klits goed ná elke byvoeging.
  2. Sif die droë bestanddele saam.
  3. Verhit die melk en botter en vou om die beurt met die droë bestanddele by die eiermengsel in.
  4. Skep die beslag in die pan en bak sowat 30-40 minute of tot ’n toetspen skoon uit die middel van die koek kom Laat effens in die pan afkoel en keer dan op ’n draadrakkie uit. Sny die koek in twee lae.
  5. VLAMENGSEL Verroom die botter en versiersuiker baie goed.
  6. Meng 50 ml van die melk met die vlapoeier en geursel, en verhit die res. Giet die vlapasta by en roer tot die mengsel kook en verdik. Laat afkoel en klits dan by die versiersuikermengsel in deel in twee.
  7. Smeer een koeklaag met ’n laag vla en plaas die ander laag bo-op. Skep hopies vla bo-op.