Genoeg vir 9 mense

Bereiding: 15 min.

Verkoel: oornag

375 ml (1½ k) sterk koffie, afgekoel

250 ml (1 k) Cape Velvet-likeur

300 g vingerkoekies

2 eiers, geskei

125 ml (½ k) strooisuiker

500 g mascarpone-kaas

10 ml (2 t) kakaopoeier

  1. Meng die koffie met 180 ml (¾ k) van die likeur in ’n vlak bak. Doop die koekies in die vloeistof tot alkante klam, maar nie pap nie. Voer ’n bakpan van 18 x 30 cm met ’n laag koekies uit.
  2. Klits die eiergele en strooisuiker tot vaal. Vou die oorblywende likeur en die mascarpone-kaas in om ’n mousseagtige konsistensie te vorm.
  3. Klits 1 eierwit tot sagtepiek-stadium. Vou by die mascarpone-mengsel in en smeer die helfte van die mengsel oor die koekies.
  4. Herhaal met nog ’n laag klam vingerkoekies en bedek met die oorblywende kaasmengsel.
  5. Bedek en verkoel oornag. Sif die kakaopoeier bo-oor net voor jy dit voorsit.