Genoeg vir 4-6 mense

Bereiding: 10-15 minute

Staantyd: sowat 10 minute

12 vingerbeskuitjies

60 ml (¼ k) brandewyn of soetwyn

1 blik (400 g) karamelkondensmelk (gekookte kondensmelk)

500 ml (2 k) mascarpone-kaas

60 ml (¼ k) droëbosbessies (cranberries)

60 ml (¼ k) fudge, gekrummel

vars kruisementblare

Deel die helfte van die beskuitjies tussen 4 – 6 diep glase en besprinkel met die helfte van die brandewyn of soetwyn.

Skep een groot lepel vol kondensmelk oor die beskuitjies gevolg deur die mascarpone.

Sprinkel van die bessies en fudge oor die mascarpone en herhaal met die res van die beskuitjies, brandewyn of soetwyn, kondensmelk, mascarpone, bessies en fudge.

Laat staan die koekstruif ’n paar minute in die yskas en garneer net voor opdiening met vars kruisementblare.

Volg Huisgenoot op Twitter.