Xander Bezuidenhout van Brits het hierdie heerlike resep aan ons gestuur.

Genoeg vir 4-6 mense

Bereiding: 20 minute

Vriestyd: oornag

1 blikkie (360 g) karamelkondensmelk

1 boksie (250 g) kunsroom,

verkoel en styf geklits

1 pakkie (200 g) Tennisbeskuitjies

1 (150 g) Peppermint Crispsjokolade, grof gebreek

  1. Voer ’n klein broodpannetjie uit met kleefplastiek.
  2. Meng die karamelkondensmelk met die styfgeklopte kunsroom.
  3. Pak ’n laag beskuitjies in die broodpannetjie, giet ’n laag karamelroom oor en sprinkle ’n laag Peppermint Crisp oor. Herhaal die lae, hou ’n bietjie Peppermint Crisp eenkant en eindig met ’n laag beskuitjies.
  4. Vou kleefplastiek oor en vries oornag tot stewig.
  5. Ontvorm, stapel nog Peppermint Crisp bo-op en sit voor.