Lewer 1 tert van 22 cm

Bereiding: 30 minute

Verkoeltyd: 2 uur

KORS

200 g sjokoladekoekies, fyn gedruk

100 g botter, gesmelt

knippie kaneel

VULSEL

4 x 250 ml (4 k) wit malvalekkers

60 ml (¼ k) melk

60 ml (¼ k) Amarula-likeur

180 ml (¾ k) grondboonbotter

250 ml (1 k) room

BOLAAG

100 g wit- of donkersjokolade, in stukke gebreek

45 ml (3 e) espresso-koffie

80 ml (¹/³ k) dik Griekse jogurt teen kamertemperatuur

kakaopoeier vir bo-oor sprinkle (opsioneel)

  1. KORS Meng die koekies, botter en kaneel en druk teen die boom en rande van ’n tertbak van 22 cm. Hou eenkant.
  2. VULSEL Hou ’n paar malvalekkers eenkant en verhit die res saam met die melk en Amarula baie stadig oor lae hitte tot die malvalekkers gesmelt het.
  3. Verwyder van die hitte, voeg die grondboonbotter by en laat ’n rukkie afkoel.
  4. Klits die room styf, vou by die mengsel in en skep oor die kors.
  5. BOLAAG Smelt die sjokolade en koffie saam en klits die jogurt by.
  6. Smeer oor die tertvulsel en laat 2 uur in die yskas stol.
  7. Sprinkel kakaopoeier oor indien verkies, strooi die orige malvalekkers oor en sit voor.