Genoeg vir 4 mense

Bereiding: 15 min.

Gaarmaak: 15-20 min.

4 hoenderborsfilette, in blokke gesny

sout en peper

15 ml (1 e) olyfolie

5 ml (1 t) fyn gerasperde

vars gemmer

2 knoffelhuisies, fyngedruk

SOUS

15 ml (1 e) olie

1 ui, gekap

1 knoffelhuisie, fyngedruk

1 kaneelstokkie

15 ml (1 e) geroosterde kerriepoeier

5 ml (1 t) borrie

knippie suiker

125 ml (½ k) room

125 ml (½ k) Griekse jogurt

TORTILLAS

4 tortillas

4 stingeluie, gekap

½ komkommer, in klein blokkies gesny

2 tamaties, in blokkies gesny

1 rooi-ui, gekap

Voorverhit die oond tot 200 °C.

  1. Geur die hoenderblokkies met die sout en vars gemaalde peper. Smeer met die olie, gemmer en knoffel.
  2. Ryg aan kebabstokkies en pak op ’n bakplaat. Rooster 15-20 min. of tot gaar. Die kebabs kan ook oor matige kole tot gaar gebraai word
  3. Sous Verhit die olie in ’n pan en braai die ui, knoffel en kaneelstokkie tot geurig.
  4. Voeg die speserye by en roerbraai ’n paar sekondes.
  5. Voeg die res van die sousbestanddele by en laat liggies prut tot die sous effens verdik. Giet die sous oor die kebabs.
  6. Tortillas Pak die tortillas en die res van die bestanddele op ’n bord.