Genoeg vir 4 mense

Bereiding: 10-15 minute

Gaarmaaktyd: 40-50 minute

4-6 hoenderborsies

sout en peper

2 ml (½ t) fyn komyn

1 ui, gekap

2-3 knoffelhuisies, fyn gedruk

1 elk rooi en groen soetrissie,

in blokkies gesny

125 ml (½ k) mayonnaise van ’n goeie gehalte

125 ml (½ k) natuurlike jogurt

125 ml (½ k) soet brandrissiesous

60 ml (¼ k) gekapte koljanderblare

oondgeroosterde groente vir voorsit

Voorverhit die oond tot 180 °C. Smeer ’n oondvaste bak.

  1. Geur die hoenderborsies met sout en peper en sprinkel die komyn oor. Pak in die bak.
  2. Sprinkel die ui, knoffel en soetrissie oor.
  3. Meng die mayonnaise, jogurt, brandrissiesous en koljanderblare en skep oor die hoender.
  4. Oondbraai 40-50 minute of tot die hoender sag, gaar en goudbruin is.
  5. Sit voor met oondgeroosterde groente.