Genoeg vir 4-6

Bereiding: 10 min.

Gaarmaak: 50 min.

3 mango’s, gekap

2 takkies vars roosmaryn

’n klein hand vol vars grasuie

30 ml (2 e) appelasyn

15 ml (1 e) olie

4 knoffelhuisies, gekap

5 ml (1 t) paprika

sout en vars gemaalde peper

1 kg heel hoender, platgemaak

gebraaide aartappels vir voorsit

Voorverhit die oond tot 200    °C.

  1. Plaas die mango’s, roosmaryn, grasuie, asyn, olie, knoffel, paprika, sout en peper in ’n verwerker en blits tot die bestanddele goed gemeng is.
  2. Bedek die hoender met die helfte van die sous, bedek en verkoel 2 uur. Rooster die hoender ’n driekwartier in ’n roosterpan terwyl jy dit elke kwartier met die oorblywende sous bedruip.
  3. Gooi die oorblywende sous in ’n kastrol oor lae hitte en laat 5 minute prut. Sit die sous voor saam met die hoender en gebraaide aartappels.

Deur Hope Malau

Foto: Jacques Stander