Genoeg vir 4-6 mense

Bereiding: 20 minute

marineertyd: 30 minute of oornag

Gaarmaaktyd: 1 uur

JOGURTMARINADE

180 ml (¾ k) gewone jogurt

1 groot ui, gekap

4 knoffelhuisies, fyngemaak

5 ml (1 t) varsgerasperde gemmer

4 groenrissies, gekap

15 ml (1 e) fyn koljander

HOENDER

6 hoenderborsies, ontvel

1 kaneelstokkie

4 kardemompeule

6 heel naeltjies

45 ml (3 e) botter

5 ml (1 t) sout

5 ml (1 t) peper

5 ml (1 t) borrie

2 ml (½ t) saffraan, geweek in

15 ml (1 e) kookwater (opsioneel)

Voorverhit die oond tot 190 °C.

  1. MARINADE Meng al die bestanddele vir die marinade.
  2. HOENDER Sny drie diep kepe in die hoenderborsies en vryf die marinade daarin. Plaas 30 minute of oornag in die yskas.
  3. Maak die kaneel, kardemom en naeltjies fyn in ’n vysel. Verhit die botter in ’n oondbak en voeg die speserye, sout, peper en borrie by.
  4. Skep die gemarineerde hoender met ’n gaatjieslepel oor die speserye. Behou die marinade. Bedek die bak met foelie en plaas 15 minute in die oond.
  5. Haal uit en voeg die res van die marinade en saffraanwater (indien gebruik) by. Plaas terug in die oond en bak 15 tot 20 minute of tot die hoender gaar is.
  6. Sit voor met rys en poppadums.