Genoeg vir 6 mense

Bereiding: 10 min.

Gaarmaak: 15 min.

30 ml (2 e) olyfolie

4 hoenderborsfilette, in skywe gesny

15 ml (1 e) meel

1 ui, in dun skywe gesny

2 knoffelhuisies, fyngedruk

250 g sampioene, in skywe gesny

5 ml (1 t) paprika

15 ml (1 e) worcestersous

250 ml (1 k) hoenderaftreksel

180 ml (¾ k) suurroom

100 g ertjies

sout en vars gemaalde swartpeper

gaar pasta vir voorsit

1. Verhit die olie in ’n groot braaipan oor matig-hoë hitte. Voeg die hoender by en braai 5 min. terwyl jy roer of tot verbruin.

2. Strooi die meel oor en voeg dan die ui, knoffel en sampioene by. Braai 5 min. terwyl jy roer of tot die ui versag en die sampioene verbruin het. Voeg die paprika by. Braai 1 min. terwyl jy roer.

3. Voeg die worcestersous en aftreksel by. Bring tot kookpunt. Laat prut 5 min. of tot die hoender deurgaar is.

4. Roer die suurroom en ertjies in. Geur met die sout en peper. Skep oor die pasta en sit voor.

Deur: Hope Malau

Foto’s: Jacques Stander