Genoeg vir 4-6 mense

Bereiding: 15 minute

Gaarmaaktyd: 15 minute

30 ml (2 e) olyfolie

1 ui, in kwarte gesny

2 knoffelhuisies, fyn gekap

3 cm vars gemmer, geskil en gerasper

1 suurlemoengras, fyn gekap

1 brandrissie, fyn gekap

125 ml (½ k) koljanderblare, grof gekap

4 ontbeende hoenderborsies, in stukkies gesny

200 ml gekoopte botterhoendersous

2 blikke (400 g elk) klappermelk

500 ml (2 k) hoenderaftreksel

sout en vars gemaalde swartpeper

1 rooi soetrissie, in repe gesny

500 ml (2 k) gaar spaghetti

ekstra koljanderblare vir garnering

  1. Verhit die olie in ’n kastrol en braai die ui, knoffel, gemmer, suurlemoengras, brandrissie en koljanderblare ’n minuut tot geurig.
  2. Sit die hoenderstukkies saam met die uimengsel in die kastrol en roer tot net gaar.
  3. Sit die res van die bestanddele behalwe die rooi soetrissie, spaghetti en ekstra koljanderblare in die kastrol en bring tot kookpunt.
  4. Verlaag die hitte en laat prut sowat 3 minute tot geurig. Sit die soetrissie by en geur na smaak.
  5. Deel die spaghetti tussen sopbakkies en skep die hoendersop oor die spaghetti.