Genoeg vir 4 mense

Bereiding: 15 min.

Gaarmaak: 20 min.

250 ml (1 k) meel

sout en peper

2 eiers

30 ml (2 e) melk

500 ml (2 k) droë broodkrummels

4 hoenderborsfilette

500 ml (2 k) olie

CHEDDARSOUS

60 ml (¼ k) meel

60 g botter

500 ml (2 k) melk

60 ml (¼ k) groenteaftreksel

’n knippie rooipeper

225 g cheddarkaas, gesmelt

  1. Meng die meel, sout en peper in ’n vlak bak. Klits die melk en eiers in ’n ander bak. Sprei die broodkrummels in ’n derde bak uit .
  2. Kap die hoenderfilette tussen 2 stukke kleefplastiek plat en geur. Verhit die olie in ’n pan oor matige hitte.
  3. Druk die hoender in die meelmengsel en skud die oortollige meel af. Doop in die eiermengsel en rol dan in die broodkrummels. Plaas versigtig in die warm olie, bak 5 min. en skep dan met ’n gaatjieslepel op ’n papierhanddoek uit.
  4. Cheddarsous Voeg die meel en botter in ’n pot oor matige hitte en braai tot ’n pasta vorm. Klits die melk en aftreksel stadig in tot goed gemeng. Verlaag die hitte en laat prut 10 min. Verwyder van die hitte en roer die rooipeper en kaas in.
  5. Sit die schnitzel voor saam met die sous en ’n slaai.

Deur Hope Malau

Foto: David Briers