GENOEG VIR 6 MENSE

Bereiding: 10 min.

Marineer: 1 uur

Gaarmaak: 30 min.

125 ml (½ k) moutasyn

10 knoffelhuisies

2 cm gemmer, gekap

2,5 ml (½ t) fyn kaneel

2 groen kardemompeule

1 ml (¼ t) fyn naeltjies

10 ml (2 t) rooipeper

5 ml (1 t) paprika

5 ml (1 t) borrie

5 ml (1 t) komyn

1 groen brandrissie, gekap

10 hoenderboudjies, vel verwyder

olie vir braai

1 ui, fyn gekap

250 ml (1 k) hoenderaftreksel

1.     Puree die asyn, knoffel, gemmer, al die speserye en brandrissie in ’n voedselverwerker tot baie glad.

2.     Maak ’n paar insnydings op elke boudjie sodat die marinade diep in die vleis kan intrek. Vryf die pasta oral oor die vleis. Laat 1 uur in die koelkas verkoel.

3.     Voeg die olie in ’n groot pot oor matig-hoë hitte. Voeg die ui by en soteer tot dit begin verbruin. Voeg die hoender en al die marinade by en soteer sowat 2 min. terwyl jy gereeld roer.

4.     Voeg die hoenderaftreksel by en laat 25 min. liggies prut.

5.     Sit voor saam met ’n stysel van jou keuse.

Deur Hope Malau

Foto: Megan Miller