Genoeg vir 4 mense

Bereiding: 15 minute

Gaarmaaktyd: 30 minute

45 ml (3 e) groenteolie

1½ uie, in ringe gesny

1½ uie, fyngekap

3 knoffelhuisies, fyngedruk

2-3 kardemompeule

2 kaneelstokkies

10 ml (2 t) gemaalde koljander

2 ml (½ t) borrie

3 ml (ruim ½ t) komynpoeier

2 ml (½ t) gemmerpoeier

4 hoenderfilette, in blokkies gesny

sout na smaak

sap van 1 suurlemoen

500 ml (2 k) griekse jogurt

60 ml (¼ k) gekapte koljander

  1. Verhit 30 ml (2 e) van die olie in ’n kastrol en braai die uiringe bruin. Verwyder dit met ’n gaatjieslepel en dreineer op kombuispapier.
  2. Verhit die res van die olie in dieselfde kastrol en roerbraai die gekapte uie en knoffel tot die uie deursigtig is.
  3. Voeg al die speserye by en roerbraai vir 2 minute of tot geurig.
  4. Verlaag die hitte, geur die hoender met sout, voeg die hoender en suurlemoensap by die uimengsel en roerbraai 5 minute. Voeg die jogurt by.
  5. Bedek die kastrol gedeeltelik met die deksel, verlaag die hitte en laat prut sowat 20 minute stadig tot die hoender gaar is.
  6. Voeg die gekapte koljander, by en sprinkel die gebraaide uie oor. Sit voor met basmatirys en sambals.