Genoeg vir 4 tot 6

Berei: 10 min.

Gaarmaak: 20 min.

300 g broccoliblommetjies

250 g skulppasta

hand vol koljander

2 knoffelhuisies

60 ml (¼ k) olyfolie

10 ml (2 t) suurlemoenskil

60 g mozzarella

sout en swartpeper

100 g roomkaas

1 kg hoender, gekook en gekerf

hand vol neute, gekap (opsioneel)

2,5 ml (½ t) rissievlokkies

1. Kook die broccoli 5 min. in kokende soutwater tot sag. Skep met ’n gaatjieslepel uit tot in ’n bak. Voeg pasta by die water en kook volgens aanwysings op verpakking. Dreineer.

2. Verwerk koljander, knoffel, olie, suurlemoenskil en mozzarella in ’n voedselverwerker tot fyn gekap. Voeg die helfte van die broccoli by en verwerk tot grof gekap. Geur met die sout en swartpeper.

3. Roer broccoli-pesto en roomkaas by pasta tot goed bedek. Vou die hoender, neute en rissievlokkies by en sit voor.