GENOEG VIR 4 MENSE

Bereiding: 15 min.

Gaarmaak: 35-40 min.

4 hoenderborsfilette

sout en vars gemaalde peper

125 ml (½ k) meel

2 eiers, geklits

250 ml (1 k) broodkrummels

30 ml (2 e) olyfolie

VULSEL

3 sondroë tamaties, gekap

30 ml (2 e) geroosterde

sonneblomsade

3 knoffelhuisies, fyngedruk

1 wiel fetakaas, gekrummel

SLAAISOUS

80 ml ( k) mayonnaise

125 ml (½ k) Griekse jogurt

20 ml (4 t) suurlemoensap

15 ml (1 e) strooisuiker

KOOLSLAAI

½ kopkool, gerasper

2 wortels, geskil en gerasper

10 g roketblare

Voorverhit die oond tot 180 °C. Sit ’n draadrakkie op ’n bakplaat en bespuit met kossproei.

  1. Sny ’n gleufie in elke hoenderborsie en geur met die sout en vars gemaalde peper.
  2. Vulsel Meng al die bestanddele, stop die hoenderborsies met die vulsel en steek met peuselstokkies vas.
  3. Rol die hoenderborsies in die meel, doop in die geklitste eiers en rol dan in die krummels – maak seker die hoender is oraloor met krummels bedek.
  4. Pak die hoender op die bereide draadrakkie en sprinkel die olie oor. Bak 35-40 min. in die oond of tot goudbruin en gaar. Sny in skyfies.
  5. Slaaisous Klits alles saam en geur met sout en vars gemaalde peper.
  6. Koolslaai Meng alles met die slaaisous en sit voor saam met die hoender.