Genoeg vir 4 mense

Bereiding: 5 minute

Gaarmaaktyd: 20 minute

250 ml (1 k) jasmynrys

45 ml (3 e) sojasous

45 ml (3 e) hoisin-sous

30 ml (2 e) balsemieke asyn

30 ml (2 e) soet brandrissiesous

15 ml (1 e) mielieblom

125 ml (½ k) water

15 ml (1 e) olie

2 preie, in skywe gesny

2 knoffelhuisies, in skywe gesny

15 ml (1 e) gerasperde gemmer

100 g sampioene, gekap

100 g druiwe, gehalveer

50 g ricottakaas, in blokkies gesny

1 Kook die rys volgens die aanwysings op die pakkie.

2 Meng die sojasous, hoisin-sous, asyn, brandrissiesous, mielieblom en water in ’n bak tot glad.

3 Verhit die olie in ’n pan oor matige hitte. Voeg die preie, knoffel en gemmer by en roerbraai liggies. Voeg die sampioene en druiwe by en soteer 3 minute. Voeg die sojasousmengsel en ricottakaas by en laat prut 5 minute.

4 Skep die rys en roerbraai in bakke en sit voor.

- Hope Malau