Lewer sowat 15 skywe.

180 ml (¾ k) gepreserveerde gemmer in stroop, gekap

60 ml (¼ k) rooi glanskersies, gekap

125 ml (½ k) droëvrugtekoek-mengsel

80 ml (1/3 k) versuikerde sitrusskil, gekap

80 ml (1/3 k) brandewyn

125 g STORK BAKE

125 ml (½ k) strooisuiker

2 eiers

310 ml (1¼ k) koekmeel

5 ml (1 t) bakpoeier

45 ml (3 e) ekstra brandewyn

Voorverhit die oond tot 150 °C.

Voer ’n gesmeerde broodpannetjie van 8 x 26 cm uit met bakpapier.

Meng die gemmer met sy stroop, die kersies, vrugte en sitrusskil met die brandewyn en laat staan 15 minute.

Verroom intussen die STORK BAKE en strooisuiker en voeg die eiers een vir een by.

Voeg die meel, bakpoeier en vrugtemengsel by.

Meng goed en giet in die voorbereide pan.

Bak sowat 1½-2 uur tot ’n toetspen skoon uit die brood kom.

Verf die korsie van die brood met nog brandewyn en laat 15 minute in die pan afkoel.

Sny in skywe en sit voor saam met koffie of tee of andersins ’n brandewynsous en roomys vir poeding.