KOEK

375 ml (1½ k) strooisuiker

375 g Stork Bake

7 eiers

750 ml (3 k) bruismeel, gesif

15 ml (1 e) bakpoeier

2 ml (½ t) sout

60 ml (¼ k) melk

10 ml (2 t) vanieljegeursel

VERSIERSEL

125 g Stork Spread, sag-

gemaak

750 ml (3 k) versiersuiker, gesif

15-30 ml (1-2 e) water, melk of suurlemoensap

koskleursel van jou keuse

helderkleurige lekkers en pyp-skoonmakers

KOEK

Voorverhit die oond tot 180 °C en smeer twee ronde koekpanne met ’n 22 cm-deursnee. Voer dit met bak-papier uit en smeer weer.

Plaas al die bestanddele in die volgorde waarin hulle gelys is, in ’n groot mengbak en klop sowat 3 minute tot ’n gladde deeg. Gooi in die bereide panne. Bak 30-40 minute tot gaar. (’n Toetspen moet skoon uit die middel van die koek kom.) Laat 10 minute in die panne afkoel en keer dan op draadrakke uit om heeltemal af te koel.

VERSIERING

Klop die STORK SPREAD tot donsig en voeg die versiersuiker by. Klits tot goed gemeng en voeg ’n biet-jie vloeistof by tot die versiersuiker smeerbaar is. Plaas een koek op ’n bord. Kleur van die versiersuiker ’n helder kleur en bedek die koek daarmee. Sny die ander koek in die helfte en smeer met ’n ander kleur versiersuiker. Rangskik die twee helftes op die eerste koek sodat dit soos goggavlerke lyk. Versier die vlerke met lekkers. Gebruik helderkleurige lekkers vir die oë en mond en pyp-skoonmakers vir die voelers.

Lewer 1 groot koek.

WAAR en WANNEER kan ek die Stork-resepte kry?

Een keer per maand word ‘n dubbelblad resep-artikel in Huisgenoot en YOU gepubliseer. Hierdie resepte kan uitgeknip en in jou Stork Joernaal geplak word. Sowat twee weke later sal dieselfde resepte ook op huisgenoot.com beskikbaar wees (gaan na KOS en dan Stork).

Die resepte word gepubliseer van Februarie 2010 tot Janaurie 2011.

HOE gemaak as ek van die resepte misgeloop het?

Gaan na huisgenoot.com en klik op KOS en dan Stork-resepte – jy kan die resepte daar kry. Die resepte word gepubliseer van Februarie 2010 tot Janaurie 2011.

Jy kan ook ‘n vorige uitgawe van HUISGENOOT bestel (teen gewone prys) by Huisgenoot Intekenare by telNA. 0860 103 687

WAAROM pas die internet-resepte nie in die ruimte daarvoor gelaat in my Stork-joernaal nie?

Jou Stork-joernaal is ontwerp met die resepte, soos gepubliseer in Huisgenoot, ingedagte. Ongelukkig kan ons net die kopie op die webblad verskaf. Af jy wil hê dit moet lyk soos in die Joernaal moet jy seker maak dat jy nie jou uitgawe van Huisgenoot misloop nie! Jy kan ook ‘n vorige uitgawe van HUISGENOOT bestel (teen gewone prys) by Huisgenoot Intekenare by tel. 0860 103 687

HOE gemaak as ek nog 'n joernaal wil kry

Nie jou kopie van die joernaal gekry nie? SMS die woord JOERNAAL en jou naam en adres na 39354. Elke SMS kos R15 en sluit die joernaal en posgeld in.