Bereiding: 1 uur

Baktyd: 1 uur

Lewer 12 skywe

Deeg

625 ml (2½ k) meel

’n knippie sout

250 ml (1 k) botter

80 ml (? k) yskoue water

Vulsel

500 g pampoen, gekook en tot puree verwerk

6 eiers

15 ml (1 e) room

375 ml (1½ k) bruinsuiker

15 ml (1 e) mielieblom

sout na smaak

5 ml (1 t) kaneel

5 ml (1 t) fyn wonderpeper

5 ml (1 t) vanielje-ekstrak

410 g (1 blik) ingedampte melk

Deeg

Blits die meel en sout in ’n voedselverwerker.

Voeg die botter by terwyl jy blits om krummels te vorm.

Terwyl die masjien loop, gooi die water stadig in tot die deeg bymekaarbly sonder om klewerig te wees.

Laat koel af vir 1 uur.

Voorverhit die oond tot 180 °C.

Rol die die deeg uit op ’n oppervlak wat met meel bestrooi is.

Pas die deeg in ’n ronde pasteibak en kartel die rande.

Vries sowat 15 minute tot ferm. Bak die pasteidop blind vir 10 minute en dan sonder die gewig vir 5 minute.

Vulsel

Bak die pampoen tot sag en laat afkoel.

Blits die pampoen tot sag.

Meng die pampoen met die eiers, room, suiker, mielieblom, sout, kaneel, wonderpeper, vanielje en ingedampte melk en klits tot goed gemeng.

Giet die mengsel versigtig in die dop.

Bak sowat 35 minute tot dit in die middel geset het.

Laat afkoel en sit voor.

- Hope Malau