Genoeg vir 6-8 mense

Bereiding: 20 minute

Baktyd: 55-60 minute

STROOP

250 ml (1 k) strooisuiker

125 ml (½ k) water

5 ml (1 t) vanieljegeursel

1 pomelo en 2 groot lemoene, ongeskil, in kwarte gesny

KOEK

4 eiers

250 ml (1 k) strooisuiker

5 ml (1 t) vanieljegeursel

250 ml (1 k) bruismeel

160 ml (2/3 k) ongesoute botter, gesmelt

250 g fyn amandels

OM VOOR TE SIT

mascarpone-kaas of Griekse jogurt

Voorverhit die oond tot 180 °C.

Smeer twee vierkantige koekpanne van 20 cm in deursnee of ’n langwerpige oondpan.

  1. Stroop Plaas die strooisuiker, water en vanieljegeursel in ’n kastrol en roer tot die suiker opgelos is. Kook sowat 3 minute tot effens stroperig.
  2. Plaas die pomelo- en lemoenkwarte in die stroop.
  3. Laat prut nog 10-15 minute.
  4. Haal van die stoof af en hou eenkant.
  5. Koek Plaas die eiers, strooisuiker en vanieljegeursel in ’n groot mengbak en klits 8-10 minute tot lig.
  6. Sif die bruismeel oor die eier-mengsel en vou dit daarby in. Vou die botter en amandels in.
  7. Pak die sitruskwarte in die pan(ne) en skep die beslag bo-op. Bak 45 minute of tot ’n toetspen skoon uitkom.
  8. Giet enige oorblywende stroop oor die gaar koek sodra dit uit die oond kom.
  9. Om voor te sit Keer uit, sny in blokke en sit voor met die mascarpone-kaas of Griekse jogurt.