Lewer sowat 50 bruintjies.

250 g STORK BAKE

300 g (3 plakke) donkersjokolade, gekap

6 eiers, by kamertemperatuur

500 ml (2 k) bruinsuiker

125 ml (½ k) strooisuiker

10 ml (2 t) vanieljegeursel

500 ml (2 k ) koekmeel

250 ml (1 k) pekan- of makadamianeute, gekap

250 ml (1 k) sjokoladesplinters

Voorverhit die oond tot 180 °C en smeer ’n oondbak.

Voer met bakpapier uit en smeer.

Smelt die STORK BAKE en sjokolade oor lae hitte terwyl jy dit voortdurend roer tot glad.

Verwyder van die hitte.

Klits die eiers, suikers en geursel minstens 10 minute saam tot dik en lig.

Voeg die gesmelte sjokolade in ’n dun stroompie by terwyl dit aanhoudend geklits word.

Sif die meel oor en vou in saam met die neute en sjokoladesplinters.

Giet in die bak en bak sowat 30 minute of tot dit bo gaar is, maar steeds effens klam in die middel.

Laat in die bak afkoel en sny in blokke.