Maak 2-3 terte

Bereiding: 30 minute

Gaarmaaktyd: 35-40 minute

Kors

125 ml (1/2 k) botter

125 ml (1/2 k) suiker

1 eier

125 ml (1/2 k) melk

375 ml koekmeel

15 ml (1 e) bakpoeier

knippie sout

Vulsel

10 x 250 ml (10 k) melk

375 ml (1 1/2 k) suiker

60 ml (1/4 k) koekmeel

60 ml (1/4 k) mielieblom

6 eiers, geskei

15 ml (1 e) botter 5 ml (1 t) bakpoeier knippie sout 5 ml (1 t) vanieljegeursel fyn kaneel

  • Voorverhit die oond tot 180 °C.
  • Smeer 2-3 tertpanne met margarien of spuit met kossproei.
  1. Kors Room die botter en suiker en klits die eier by. Voeg die melk geleidelik by en meng goed.
  2. Sif al die droë bestanddele saam en meng met die bottermengsel. Voer die tertborde met die kors uit. Hou eenkant. VULseL Hou 375 ml (1½ k) melk uit en verhit die res saam met die suiker tot opgelos. Sif die koekmeel en mielieblom saam. Voeg die eiergele en oorblywende melk by en meng tot ’n pasta.
  3. Meng ’n bietjie van die meelpasta met verhitte melk. Voeg by die res van die verhitte melkmengsel en verhit tot dit kook.
  4. Roer gedurig om te voorkom dat dit klonte vorm. Verwyder van die hitte.
  5. Klits die eierwitte styf en vou saam met die botter, bakpoeier, sout en vanieljegeursel by die melkmengsel in. Giet in die tertkorse, stuif met kaneel en bak 35-40 minute of tot goudbruin en stewig.