Lewer 12 MUFFINS

Bereiding: 20 minute

Gaarmaaktyd: 20 minute

Bak net elke keer soveel muffins as wat nodig is en voeg telkens iets anders soos rosyntjies, dadels, neute, klapper of gekapte appel by. Jy kan ook ’n bietjie minder suiker byvoeg as jy wil.

375 ml semels

125 ml kookwater

60 ml (¼ k) gesmelte botter of

margarien

180 ml (3/4 k) suiker

1 eier, geklits

250 ml (1 k) karringmelk

6 ml (1¼ t) koeksoda

160 ml (2/3 k) ongesifte koekmeel

160 ml (2/3 k) volkoringmeel

2 ml (1/2 t) sout

rosyntjies, dadels, neute, klapper, gerasperde geelwortel, pynappel of appel na smaak

kaas of ander vulsel om mee voor te sit

Voorverhit die oond tot 220 °C.

Smeer die holtes van ’n muffinpan of bespuit met kossproei.

  1. Meng die semels en kookwater in ’n groot mengbak. Voeg die botter of margarien by en laat die mengsel effens afkoel.
  2. Voeg die suiker, eier en 200 ml van die karringmelk by en meng.
  3. Meng die koeksoda met die res van die karringmelk en meng dit by die semelmengsel in.
  4. Meng die koekmeel, volkoringmeel en sout. Voeg die rosyntjies of waarvoor jy lus het by.
  5. Voeg dié mengsel by die semelmengsel en meng tot net gemeng; die deeg is taamlik slap.
  6. Skep die deeg in die muffinholtes tot twee derdes vol. Bak 20 minute op die middelste oondrak.
  7. Keer versigtig op ’n draadrak uit om af te koel.
  8. Sit voor met kaas of ander vulsel.