LEWER 1 BROOD

Bereiding: 20 minute

Baktyd: 75 minute

Brood

200 g droë appelkose, gekap

125 ml (½ k) appelkoossap

125 ml (½ k) olie

15 ml (1 e) brandewyn (opsioneel)

2 eiers

250 ml (1 k) suiker

375 ml (1½ k) koekmeel

5 ml (1 t) bakpoeier

5 ml (1 t) koeksoda

3 ml (ruim½t) sout

2 appels, geskil en

grof gerasper

125 ml (½ k) gekapte pekanneute

Bolaag

1 eier, geklits

250 ml (1 k) klapper

60 ml (¼ k) bruinsuiker

Voorverhit die oond tot 180 °C. Smeer ’n broodpan van 23 x 13 cm.

  1. Brood Kook die appelkose in die sap tot sag. Laat afkoel. Dreineer, maar behou die sap.
  2. Klits die gedreineerde sap, olie, brandewyn (indien verkies), eiers en suiker saam.
  3. Sif die droë bestanddele oor en vou saam met die appels, neute en appelkose by die oliemengsel in.
  4. Skep in die voorbereide pan en bak sowat 75 minute of tot ’n toetspen skoon uit die middel van die
  5. brood kom.
  6. Bolaag Meng al die bestanddele, skep oor die brood en plaas 1-2 minute onder die roosterelement of tot dit effens verbruin het.
  7. Laat effens in die pan afkoel. Keer versigtig op’n draadrakkie uit en laat heeltemal afkoel.