Genoeg vir 4-6

Bereiding: 10 min.

Gaarmaak: 20 min. 

2 rolle (400g elk) skilferkorsdeeg, ontdooi

1 eier, geklits, om oor te borsel

VULSEL

120 g botter

8 ryp tamaties

80 g mozzarellakaas

sout en peper

vars basilieblare

45 ml (3 e) olyfolie

  1. Voorverhit die oond tot 180 °C. Smeer toe bakplate en voer uit met bakpapier.
  2. Rol die deeg liggies en rol 2 cm aan alle kante verder uit. Plaas op bakplate.
  3. Borsel die deeg met die eier en prik dit met ’n vurk. Bak 10 minute.
  4. Vulsel: Smelt die botter en sny dun skywe tamatie en kaas.
  5. Borsel die deeg met die botter en rangskik die tamaties en kaas bo-op, wissel dit af in oorvleuende rye. Geur met sout en peper.
  6. Plaas nog 10 minute in oond of tot die deeg bros en goudkleurig is en die kaas gesmelt het.
  7. Haal uit die oond uit, druk basilieblare tussen die rye in en bedruip met olyfolie. Sit onmiddellik voor.

Deur Hope Malau