Hier is wat jou sterre vandag voorspel, met Joanne Moore.

JOU DAG

Vandag moet jy iets geniet wat sportief of avontuurlik is.

AS JY VANDAG VERJAAR

Jou geboorte op die sterretekens se dag van persoonlike leierskap laat jou hoë standaarde aan jouself stel. Volgende jaar moet jy minder stres en heelwat meer ontspan.

RAM, 21 Mrt.-20 Apr.

Venus beweeg tot 12 November in jou avontuursone in. Dit is nou ’n uitstekende tyd om jou volgende vakansie te beplan; hopelik iewers waar jy kan ontspan en die mooi omgewing en puik kos kan geniet.

BUL, 21 Apr.-21 Mei

Bulle kan soms vervelig en stadig wees. Vandag skuif Venus tot binne-in die vurige en impulsiewe Boogskutter-teken – 12 November. Jy gaan dus meer lewendig en spontaan as gewoonlik voel.

TWEELING, 22 Mei-21 Jun.

Intieme verhoudings gaan verbeter met die vredesplaneet, Venus, wat jou vriendskapsone tot 12 November besoek. Streef daarna om superdiplomaties te wees terwyl jy probleme met jou gesin en vriende uitstryk.

KREEF, 22 Jun.-23 Jul.

Onder Venus se invloed is dit nou tyd om goed te doen waarvan jy hou, ongeag of dit nou is om heerlike kos te kook, mooi handwerk te skep of om met jou gunsteling vierpotige vriend te gaan stap.

LEEU, 24 Jul.-23 Aug.

Vriendskappe is bestem om te floreer. Die kameraadskapsplaneet, Venus, laat jou goed voel en sal jou help om op gedeelde belangstellings te fokus. Bring ’n bietjie gehaltetyd vandag saam met ’n spesiale vriend of vriendin deur.

MAAGD, 24 Aug.-23 Sept.

Het jy die afgelope tyd frustrerende probleme met ’n weerbarstige lid van die gesin ervaar? Venus, die onderhandelingsplaneet, moedig jou aan om die olyftakkie te swaai terwyl jy toegewings maak en simpatiseer.

WEEGSKAAL, 24 Sept.-23 Okt.

Jou beskermheerplaneet, Venus, moedig jou aan om ander mense in jou plaaslike gemeenskap behulpsaam te wees. ’n Verhouding met ’n familielid of buurman behoort te verbeter, solank jy bereid is om te luister.

SKERPIOEN, 24 Okt.-22 Nov.

Is jy bekommerd oor geld? Iewers binne die volgende drie weke gaan Venus help om jou finansiële situasie te verbeter. Jou geluk gaan van korte duur wees as jy verkies om eerder te bestee as te spaar.

BOOGSKUTTER, 23 Nov.-21 Des.

Venus flankeer vandag in jou teken – tot 12 November. Dit verhoog jou sjarme en gee jou selfvertroue superkrag. Dit verhoog egter ook jou neiging om verkwistend en genotsugtig te wees.

STEENBOK, 22 Des.-20 Jan.

Is jy uitgeput? Het jy ’n paar laat nagte agter die rug? Dit is tyd vir ’n herlaaisessie terwyl Venus jou aanmoedig om te mediteer, planne te beraam, na te dink en vars te begin op maniere wat jou die beste pas.

WATERDRAER, 21 Jan.-19 Feb.

Dit is nou tyd om die internet aan die brand te kry terwyl jy dit geniet om kontak te maak met invloedryke mense in jou lewe; persoonlik en aanlyn. Wie weet waarheen hierdie verhoudings kan lei?

VISSE, 20 Feb.-20 Mrt.

Die volgende drie weke is ’n gunstige tyd om jou werk- of studiegebied met vars blomme, inspirerende musiek of ’n vinnige laag verf te verfraai. As jou omgewing aangenaam is, gaan jou uitsette verbeter.

© Joanne Madeline Moore