Ons dink: 2/5

REMEMBER ME

Drama. 2010. 108 minute. Met Robert Pattinson, Emilie de Ravin en Pierce Brosnan. Regie: Allen Coulter. 13TSG.

’n Mens kan verstaan dat Robert Pattinson ná die roem wat hy in die Twilight-flieks verwerf het, ‘‘dieper’’ rolle wil kies om sy slag as akteur te wys.

Want as vampier het hy nogal ’n beperkte keuse van emosies. In Remember Me knoop Tyler (Pattinson) ’n verhouding met Ally (De Ravin) aan. Albei se lewe is al op ’n jong ouderdom deur ’n tragedie getref.

Hulle smee ’n sterk band, maar hul onderskeie gesinsprobleme kompliseer hul liefdesverhaal.

Die fliek is soms voorspelbaar, ’n bietjie melodramaties, maar tog vermaaklik. Die einde is onnodig en geforseerd.

Maar as jy dink Pattinson is die warmste ding op twee bene, is daar oorgenoeg skote van hom om jou gelukkig te hou.