Of jy daarvan hou of nie, daar is iets verslawends vir tieners, en selfs vir party volwassenes, aan The Twilight Saga.

In die langverwagte opvolg op die eerste fliek verlaat Edward (Pattinson) Bella (Stewart). Sy verval in ’n depressie en waag haar lewe om hom terug te wen. Sy vind troos by die aantreklike Jacob Black (Lautner). Maar terwyl Bella op sy skouer huil, het Jacob sy eie probleme–hy is besig om ’n weerwolf te word.

Bella vind belangrike dinge oor haar toekoms uit en sal gedwing word om tussen twee supersexy ouens te kies wat om haar aandag meeding. Sal haar besluit Span Edward-of Span Jacob-aanhangers teleurgesteld laat?

Nou wag ons met ingehoue asem vir The Twilight Saga: Eclipse. As jy nie ’n Twihard is nie, kan jy dié melodramatiese manie maar vermy. Bonus: kommentaar, uitgesnyde tonele, voorskou van Eclipse.

Fantasie-romanse. Met Kristen Stewart, Taylor Lautner en Robert Pattinson. Regie: Chris Weitz. 2009. 125 min. 10G.

Ons dink: 3/5