Een van die mooiste romans in Afrikaans is vir my Toring se Baai deur E. Kotze.

DiepseeUntitled

Ek het E. Kotze egter jare gelede al leer ken as kortverhaalskrywer in tydskrifte. Die Weskus en sy mense bevolk baie van haar stories.

Sy is self in Doringbaai gebore en het later lank saam met haar skipperman, Willie, aan hierdie kus gewoon. ’n Keur van haar kortverhale uit die bundels Halfkrone vir die Nagmaal, Silt van die Aarde, Halwe Hemel, Waterwyfie en Ander Woestynverhale en Die Wind Staan Oos is nou bymekaargemaak  in Diepsee.

Ouer lesers sal die stories vanweë die  nostalgie geniet; jonger lesers kan hulle deur ’n meesterstorieverteller laat meevoer.

* Deur E. Kotze. Tafelberg-uitgewers. R185*.