Ons dink: 3/5

‘n Boek wat aangebied word as “die eerste Afrikaanse studenteroman in 30 jaar!” loop die gevaar om hom in die voet te skiet, nie soseer oor die geesdriftige uitroepteken nie, maar oor die benaming studenteroman. Want “studentikoos” is dan die eerste volgende woord waaraan ’n mens dink . . .

Maar Wortematie dwing jou gou om oor dié vooroordeel te kom en sy storie ernstig op te neem.

Wortel en sy vriende Afneef, Coitus, Pierre en Die Vox is inwoners van die Stellenbosse manskoshuis Dagbreek en hulle doen wat manstudente deur die dekades doen: kom bymekaar in een se kamer om bollie te praat, speel rugby op Coetzenburg, speel pranks op mekaar, raak verlief, mors hul ouers se geld, begin eers die nag voor ’n toets leer . . .

Jong lesers sal die boek geniet omdat dit nie gesteriliseer is nie en ’n baie getroue weergawe is van ’n tyd in mense se lewe waar hulle gereeld droogmaak, maar hulle tog voorberei vir ’n toekoms en probeer wegsteek dat daar meer aan hulle is as dronk word en klas bunk.

Volg Huisgenoot op Twitter.

Soek jy ‘n winskopie? Kry hierdie produk teen die beste prys. KLIK HIER