Verwys ’n mens in Afrikaans na die Bay of Pigs of Varkebaai? Wat is die korrekte Afrikaans vir “silly point” op die krieketveld en waar presies staan hierdie veldwerker? En wat is die nuwe naam vir Paulpietersburg?

Hoewel baie inligting in ’n internetera in ’n oogwink nageslaan kan word, sit die Afrikaanse skrywer en teksversorger dikwels met sy hande in die hare oor hoe hierdie terme in Afrikaans benader moet word.

Hier het wyle Dalene Müller se “taalbybel” tot die redding gekom; daarom is dit sulke welkome nuus dat haar taal-en-stylgids onlangs omvattend deur Sebastian Pistor bygewerk is.

Benewens die afdelings in die vorige Skryf Afrikaans, is daar nou in Deel I ’n baie nuttige oorsig oor die praktyk van Afrikaanse teksversorging, met voorbeelde van algemene skryffoute in Afrikaans.

Dié gids is en bly ’n onontbeerlike boek op die lessenaar van elkeen wat in Afrikaans skryf en redigeer.

Volg Huisgenoot op Twitter.