Hendrik en Vasti:

Buffelvlerkies

40 hoendervlerkies, liggies albei kante met gemengde-spesery gestrooi.

  1. Braai oor medium tot warm kole en draai elke minuut vir 15 minute.
  2. Knip elke vlerkie se punt af en dan in twee.

Hendrik se Pittige (Durky) sous

300ml witasyn

700ml water

3ml rissievlokkies

60ml gekapte knoffel

90ml gerasperde ui

30ml suiker

10ml sout

6ml paprika

10ml maizena

  1. Gooi al die bestandele in ’n versapper vir ’n minuut.
  2. Gooi die sous in ’n pot en kook die sous vir ongeveer 10 minute.
  3. Laat sous vir 20 minute rus.

Vasti se bloukaas sous

125ml mayonnaise

125ml suurroom

100g bloukaas

  1. Meng al drie bestanddele saam.

Varktjop met knoffelsmeer

Strooi speserye aan albei kante van die varktjop en vryf met olyfolie in.

Vir die knoffelsmeer

Vat een knoffelhuisie per tjop en maak al die huisies saam in foelie toe.

Plaas die foelie in medium kole.

Draai dit elke 5 minute om.

Haal uit na 20-30 minute.

Maak die foelie oop en sny die punt van die knoffelhuisie oop.

Druk die knoffel-puree uit oor elke tjop en smeer dit oor die eenkant van die tjop.

Strooi ’n bietjie growwe swartpeper oor.

Geelstert van Saldanha

Strooi growwe sout en growwe swartpeper oor die vleiskant van die geelstert.

Vir die sous

250g botter

50ml knoffel, gekap

10ml gemengde kruie

35ml mayonnaise

  1. Smelt die botter, knoffel en kruie saam.
  2. Die geelstert word op medium tot warm kole gebraai met die velkant na onder vir so 15-20 minute of tot die vel krakerig en bruin is. Dan eers word die vis omgedraai.
  3. Die knoffelbotter word gereeld op die vleiskant geverf tot dit op is.
  4. Net voor die vis omgedraai word, word die mayonnaise oor geverf.
  5. As die vis omgedraai is, braai dit vir nog so 3 minute, haal af en bedien.

Tipsie-Tert in blikbekers oor die kole

1 pakkie dadels

1 teelepel koeksoda

1¼ koppie koekmeel

¼ koppie pekanneute

4 teelepel bakpoeier

190ml kookwater

2 eetlepel botter

1 eier

1 koppie suiker

¼ teelepel sout

  1. Sny die dadels in stukkies.
  2. Gooi kookwater en koeksoda oor dadels en laat staan vir ’n rukkie.
  3. Room die botter en suiker en voeg die eier by.
  4. Sif meelblom, sout en bakpoeier.
  5. Meng suiker en meelmengsel om die beurt met dadelmengsel.
  6. Voeg neute by.
  7. Spuit 6 blikbekers met kossproei.
  8. Gooi die mengsel in elke beker. (elkeen behoort so 30% vol te wys)
  9. Die bekers moet bymekaar op medium kole (onder en bo) gebak word vir ’n uur.
  10. Hou die kole gereeld dop.

Stroop

  1. Kook saam vir 5 minute: 1koppie suiker, ½ koppie water.
  2. Sodra effens dik, voeg by: ½ teelepel vanielje, 1eetlepel botter en ¼ koppie brandewyn.
  3. Dit word oor afgekoelde terte geskep.
  4. Wanneer koud, versier met room of roomys en bietjie neute.

Kappokaartappels met ’n verskil

4 groot aartappels, geskil en in blokke gesny

½ botterskorsie, geskil en in blokke gesny

3 wortels, geskil en gesny

15ml gedroogde pietersielie

7ml knoffelsout

50ml suurroom

sprietuie, botter, sout en peper na smaak

  1. Kook aartapples, botter skorsie en wortels in ’n pot soutwater.
  2. Kook vir 20-25 minute tot gaar.
  3. Dreineer en maak fyn.
  4. Voeg die pietersielie, knoffelsout, botter en suurroom by.
  5. Kap sprietuie en voeg by.
  6. Meng goed saam en bedien.

Kyle en Mart-Mari:

Garnaal voorgereg:

Garnale, grootte van voorkeur

Sriracha sous:

Vars koljander

Lemmetjies

Rissies

Palm suiker

Knoffel

100ml olie (enigiets behalwe olyfolie)

  1. Haal slegs die stert van elke garnaal se dop af en verwyder die derm.
  2. Versap al die sousbestanddele (hoeveelhede volgens voorkeur).
  3. Marineer die garnale oornag in die peri-peri sous.
  4. Week die sosatiestokkies vir ten minste ’n uur in water sodat dit nie brand op die kole nie.
  5. Ryg die garnale kop eerste in.
  6. Braai soos verlang en geur met sout, nie peper nie.

Souvlaki

Vir die geroosterde kersietamaties:

500g Romanita kersietamaties

bruinsuiker

sout

olyfolie

  1. Bedek die tamaties met olyfolie en geur met ’n goeie doses bruinsuiker en sout.
  2. Braai in die oond vir 45 minute en plaas onder die rooster tot die tamaties baie sag en soet is.

Vir die uie:

2 rooi uie, fyngepak in ’n voedselverwerker

1 handvol vars mint, fyngekap en gemeng met die uie

Die mint gee die gereg ’n vars geur

Vir die tzatziki:

1 groot komkommer

1 liter volroom Griekse jogurt

2 knoffelhuises, gepars

sout

heuning

1 suurlemoen se sap

olyfolie

  1. Sny die komkommer in die helfde en verwyder al die sade.
  2. Rasper die komkommer, strooi ’n goeie laag sout oor en laat staan vir 5 minute.
  3. Plaas die komkommer in ’n vatdoek en draai dit sodat al die oorblywende water uitkom.
  4. Meng die komkommer met die jogurt, knoffel en oorblywende bestanddele.

Wenke:

  1. Maak seker die jogurt is baie dik.
  2. Moenie meer as 4-5 ure voor die tyd maak nie, anders dun dit uit.

Vir die lam:

  1. Neem die skouer van ’n lam, ontbeen en gevlinder by die slaghuis.
  2. Marineer oornag in 200g eendvet, 50g garam marsala, knoffel en baie sout.
  3. Braai soos verlang

Vir die platbrood:

  1. Rol winkeldeeg uit in balle van 130g elk. Rol elke bal uit in ’n platbrood – hoe dunner die deeg, hoe dunner die brood. Braai op die rooster en draai gereeld.
  2. Wanneer al hierdie bestanddele voorberei is, plaas die brood op ’n bord, plaas tzatziki bo-op, gevolg deur kersietamaties, gesnyde lamskouer en uie-mint-mengsel.

Baklava:

1 pak filodeeg, ontdooi volgens instruksies

200g ongesoute botter

200g okkerneute, fyngekap

200g amandels, fyngekap

200g pistachios, fyngekap

1 teelepel gemaalde kaneel

½ koppie gekorrelde suiker

sap van ½ suurlemoen

suurlemoenskil

4 kardemompeule

4 naeltjies

¾ koppie water

¼ koppie heuning

  1. Sny die deeg sodat dit op jou braaiplaat pas.
  2. Bedek met ’n klam vaddoek sodat dit nie uitdroog nie.
  3. Smeer botter onder en aan die kante van die braaipan.
  4. Kombineer suiker, heuning, suurlemoensap, skil, naeltjies, kardemom, kaneel en water in ’n pot.
  5. Bring tot kookpunt oor medium/hoë hitte en roer tot die suiker opgelos is.
  6. Verlaag die hitte na medium/laag en prut vir 5 minute sonder om te roer.
  7. Verwyder van die hitte en laat die stroop toe om af te koel.
  8. Meng neute en kaneel in ’n voedselverwerker.
  9. Plaas vier lae deeg in die braaipan.
  10. Smeer botter en strooi neute tussen elke laag.
  11. Sit die rou baklava in die yskas sodat dit kan set.
  12. Verwyder na ’n uur en sny in verlangde groottes – gewoonlik driehoeke.
  13. Bedek met foelie en plaas op die kole vir 45 minute op ’n lae hitte.
  14. Plaas kole bo-op die foelie sodat dit van albei kante af bak.
  15. Sodra die gaar is, gooi die sous oor en bedien dadelik.

Stefan en Charlene

Gemarineerde Namibiese biefstuk met spek en sampioen sous

6 x 300g rib-eye biefstuk

30ml mosterdpoeier

30ml braaispeserye

50ml suurlemoensap

60ml olyfolie

  1. Meng die bestanddele saam en gou oor die biefstuk.
  2. Laat oornag in die yskas.
  3. Braai soos verlang

Vir die sous

50g botter

1 uit, gekap

125g spek, gekap

100g sampioene, gekap

250ml room

30ml koekmeel

60ml mayonnaise

60ml blatjang

  1. Smelt botter en braai uie, sampioene en spek.
  2. Voeg room, mayonaise en blatjang by en roer aanhoudend.
  3. Verlaag hitte en voeg koekmeel by.
  4. Laat die sous dik word.
  5. As dit té dik raak terwyl jy wag om dit te bedien, plaas terug op die hitte en voeg melk by.

Braaibroodjies

12 snye heuning-hawermout-brood

botter

tamatie

rooi uit

volroom roomkaar

peppadews

soetrissiesous

cheddarkaas

  1. Botter die brood aan albei kante.
  2. Smeer ’n dik laag roomkaas aan die binnekant.
  3. Smeer ’n laag soetrissiesous op die een sny en pak peppadews op die ander sny.
  4. Plaas tamaties, rooi uier en lekker baie cheddarkaas bo-op en maak ’n toebroodjie.
  5. Braai tot goudbruin en krakerig.

Slaai

Gemengde kruieblare

Kersietamaties

Komkommer

Fetakaas

Olywe gevul met knoffel

Krakerige uie vlokkies

Rooi ui

Gemengde sade

Knoffel-sampioen-sosaties

Knopiesampioene

Knoffelbotter

Sosatiestokkies

  1. Ryg die sampioene op die sosatiestokkies.
  2. Smelt botter in ’n bak.
  3. Smeer heeltyd die gesmelte knoffelbotter op die sampioene terwyl dit braai.

Malvapoeding (verdubbel resep indien nodig)

½ koppie suiker

1 eier

1½ eetlepel appelkooskonfyt (ander konfyt of stroop sal ook werk)

1 koppie koekmeel

1 teelepel bakpoeier

knippie sout

1 teelepel koeksoda

1 koppie melk

  1. Klits eiers en suiker bymekaar. Dit mag dalk ’n tydjie neem, so wees geduldig. Die mengsel moet romerig en lig in kleur wees.
  2. Voeg die konfyt, bakpoeier en sout by en meng goed.
  3. Voeg melk by, strooi koeksoda oor en klits vining saam.
  4. Gooi mengsel in klein soufflébakkies en plaas in ’n swaarbodem pot.
  5. Gooi ’n bietjie water onderin die pot en sit die deksel op.
  6. Plaas op medium kole en sit kole bo-op die deksel ook.
  7. Bak vir 30-40 minute tot goudbruin. ’n Mes moet skoon uitkom.
  8. Maak die stroop terwyl die nagereg bak.
  9. Verwyder die nagereg en steek gaatjies met ’n vurk in die bokante.
  10. Gooi die stroop oor en gee ’n paar minute vir dit om te absorber.

Vir die stroop

¼ koppie botter

1 koppie suiker

½ koppie kookwater

1 koppie amarula

knippie sout

  1. Smelt die botter in ’n pot en meng die ander bestanddele by.
  2. Verhit goed, maar moet nie die mengsel laat kook nie.
  3. Die sous sal te veel lyk vir die poedings, maar gooi wel alles in. Dit absorbeer en smaak fantasties.
  4. Bedien die klein malvapoedings met ’n skeppie roomys, sjokoladefrimmels en ’n kersie.