Resepte soos verskaf deur Via.

Albie en Jackie:

Albie en Jackie

Gevulde beeslende in netvet

A&J Netvet

Bestanddele

1 ui

1 knoffelhuisie

1 pakkie sampioene

30 ml (2 e) braaispeserye

5 ml (1 t) paprika

75 ml (5 e) olyfolie

beeslende

netvet

Maak so

Kap die ui, knoffel en sampioene fyn en braai tot alle water uit die groente is.

Meng die speserye by en braai nog 2 min.

Sny die beeslende in die middel oop.

Vlek en vul met die gebraaide vulsel.

Draai toe met die netvet en braai soos verlang.

A&J bord kos

Knoffel-room-aartappels

Bestanddele

2 kg aartappels of sowat 14 middelslag-aartappels

1 knoffelhuisie

melk, genoeg om aartappelblokkies in die pot te bedek

3 blokkies hoenderaftreksel

500 ml (2 k) room

750 ml (3 k) gerasperde cheddarkaas

5 ml (1 t) paprika of kruie vir garnering

Maak so

Skil en sny die aartappels in mediumgrootte blokkies.

Skil en sny die knoffel in dun skyfies.

Gooi die aartappels en knoffel in ’n pot en voeg die melk by tot net-net bedek.

Breek die hoenderaftrekselblokkies in stukkies en meng by die aartappels.

Kook tot sag, voeg die room by en kook tot die sous ’n bietjie verdik.

Meng die kaas by, strooi die paprika of kruie oor en laat rus sowat 10 min.

A&J Braa pie

Sjokolade-peer-braaitert

Bestanddele

1 blikkie ingelegde pere

2 x 150 g-Top Deck-sjokolades

2 rolle skilferkorsdeeg

1 eier, geklits

Maak so

Haal die pere uit die sous en sit dit op kombuispapier om die meeste vog op te suig.

Kap die pere en sjokolade op.

Rol die deeg uit, plaas dit op ’n skinkbord (sien wenk) en strooi die peer- en sjokoladestukke eweredig oor.

Smeer die eier rondom die rand van die deeglae.

Bedek met die boonste deeglaag en vou die rande in.

Bespuit die braairooster met kossproei en plaas die pastei met skinkbord en al op ’n oop rooster. Maak die rooster toe, draai dit om en verwyder die skinkbord.

Braai die pastei oor die kole en draai gereeld tot goudbruin en skilferagtig.

Wenk: Berei die pastei op ’n skinkbord voor, want dit help om dit heel op die rooster te kry.

Christo en Helouise

Helouise en Christo

Beeslende

H&C steak

Bestanddele

goeie beeslendeporsies

sout en peper na smaak

olyfolie

Maak so

Haal die vleis ’n uur voor jy braai uit die yskas en uit die verpakking (dit moet kamertemperatuur wees).

Smeer met die sout, peper en olyfolie.

Braai soos verlang

Mengelslaai

H&C Mengelslaai

Bestanddele (hoeveelhede soos verkies)

fetakaas

blaarslaai

cheddarkaas

grasuie

agurkies

tamaties

uie

olywe

Maak so

Sny al die bestanddele op en plaas in rye op ’n bord

Koolslaai

Bestanddele

kool, fyn gesny

wortel, gerasper

mayonnaise

10 ml (2 t) fyn knoffelsout

10 ml (2 t) suiker

Maak so

Sny die kool fyn en rasper die wortel in.

Meng die mayonnaise, knoffelsout en suiker goed deur.

Sjokoladepoeding in ’n swartpot

H&C poeding 2

Deegbestanddele

50 g botter

200 ml strooisuiker

1 eier

250 ml (1 k) koekmeelblom

25 ml (5 t) kakaopoeier

15 ml (1 e) bakpoeier

’n knippie sout

175 ml melk

25 ml (5 t) fyn gerasperde lemoenskil

Sousbestanddele

200 ml water

50 ml vars lemoensap

250 ml (1 k) bruinsuiker

25 ml (5 t) kakaopoeier

2 ml (½ t) vanielje-ekstrak

Vir voorsit

vla

gekapte neute

Maak so

Deeg: Meng die botter en strooisuiker, voeg die eier by en klits tot glad en romerig.

Sif die meel, kakao, bakpoeier en sout saam. Voeg gerasperde lemoenskil by.

Roer die melk by die bottermengsel.

Meng deeglik met die droë bestanddele om klonte te voorkom.

Sous: Meng die water, lemoensap, suiker en kakao en kook dit in jou swartpot.

Gooi die deeg in die sous en sit die pot 45-50 min. oor lae hitte met die deksel op tot dit gaar is.

Pasop vir te veel kole onder die pot inkrap, want die poeding brand maklik.

Moenie die deksel binne die eerste kwartier oplig nie.

Skep die porsies sommer uit die pot en sit dit warm voor met ’n skeppie vla en ’n bietjie gekapte neute.

Madeleine en Michael Verwey:

Snoek op die kole

M&M Snoeksous

Sous

botter, 250 g

appelkooskonfyt, 2 eetlepels

vars gemaalde peper

knoffel, fyn gekap, 3 opgehoopte teelepels

suurlemoensap, 125 ml

Sous: Meng alles goed saam.

Plaas die snoek op die kole en smeer die sous oor die vleiskant terwyl dit braai.

Soetpatats

bruinsuiker, ¾ koppie

witsuiker, ¾ koppie

botter, 120 ml

patats, 4-6, geskil

Braai die bruinsuiker, witsuiker en botter in ’n swaarboompot. Roer aanhoudend, want dit brand gou. As alles gemeng is, sit die geskilde patats in en meng goed deur.

Verlaag die hitte en kook met die deksel toe tot sag.

Roosterkoek sonder suurdeeg

M&M roosterkoek

broodmeel, 500 ml

bakpoeier, 20 ml

sout, 5 ml

eier, 1, geklits

water, ongeveer 500 ml

Sif die droë bestanddele saam. Voeg die geklitste eier by, asook genoeg water om ’n sagte deeg te vorm. Meng goed. Plaas die deeg in ’n warm plek om te rys. Knie die deeg af en maak balletjies. Plaas op die rooster en draai gereeld om. As dit reg is, klink dit hol wanneer jy daarop klop.

Wafels

M&M wafels en roomys

Vir die bêremengsel

meelblom, 6 koppies, gesif

bakpoeier, 3 eetlepels

melkpoeier, 125 ml, gesif

sout, 2 teelepels

suiker, 125 ml

botter, 190 ml

Sif die droë bestanddele twee keer saam en vryf die botter met jou vingerpunte in tot goed gemeng. In ’n voedselverwerker sal dit lyk soos broodkrummels.

Skep die mengsel in ’n lugdigte houer, seël en laat verkoel in die koelkas. Dit hou tot 6 weke.

Vir die wafels

eiers, 2

water, 500 ml

bêremengsel, 500 ml

olie, 30 ml

Meng die bestanddele bymekaar en maak wafels in ’n wafelmasjien.