Ruben en Lydia hou 'n mengeldrankie-kompetisie by hulle braai terwyl Elaine en Hans die poppe laat dans. By Zendi en Michael se braai het almal iets te sê oor hul soet elemente.

Resepte soos verskaf deur VIA

Hans en Elaine se resepte

elaine en hans

Braairolletjies

H en E knoffel en kaasbrood

Bestanddele (hoeveelhede soos verlang)

6 sagte hamburgerrolletjies

margarien vir smeer

fyn knoffel

pietersielie

gerasperde kaas

Maak so

Smeer die rolletjies met genoeg margarien.

Sit die ander die bestanddele op, soveel soos jy verlang, en rooster oor die kole tot die kaas gesmelt is.

Griekse slaai

Bestanddele

Vir die slaaisous

90 ml (6 e) olyfolie

23 ml (1½ e) suurlemoensap

15 ml (1 e) bruin druiweasyn

2 knoffelhuisies, fyngedruk

5 ml (1 t) gedroogde origanum

sout en peper na smaak

Vir die slaai

1 pakkie gemengde groen en bruin slaaiblare

halwe pakkie kersietamaties, in die helfte gesny

halwe komkommer, in stukkies gesny

1 middelslag-rooi-ui, in dun ringe gesny en 10 min. geweek in yswater

1 klein groen soetrissie, in stukkies gesny

¾ k kalamata-olywe

¾ k gekrummelde fetakaas

Maak so

Klits die bestanddele vir die slaaisous saam tot goed gemeng en voeg die sout en peper by na smaak.

Sit al die slaaibestanddele in ’n bak en meng.

Gooi die slaaisous oor en meng.

Sprinkel die kaas oor en sit voor.

Aartappelslaai

H en E aartappelslaai

Bestanddele

12 middelslag-aartappels

750 ml mayonnaise

1 blikkie kondensmelk

3 hard gekookte eiers

gedroogde pietersielie vir garnering

Maak so

Skil die aartappels en sny in blokkies. Kook tot net sag en laat afkoel.

Meng intussen die mayonnaise, kondensmelk en eiers goed.

Voeg die koue aartappels by en meng goed.

Sprinkel die pietersielie oor.

Plaas ’n paar uur in die yskas sodat geure kan meng.

Kruisskyf

H en E bord

Bestanddele

6 x 250 g-kruisskywe

sout en peper

koljander

braaisous

Maak so

Verseël die steak aan albei kante.

Braai op die langste 3 min.

Geur met die sout, peper en koljander.

Gooi die braaisous oor na smaak en braai nog 2 min. weerskante.

Knoffel-en-kaassous

Bestanddele

¼ k koekmeelblom

500 ml (2 k) melk

45 ml (3 e) margarien

gerasperde kaas na smaak

2 knoffelhuisies, fyngedruk

pietersielie na smaak

sout en gemaalde swartpeper na smaak

Maak so

Meng die meel en ’n bietjie van die melk tot ’n loperige mengsel vorm.

Kook die res van die melk saam met die margarien.

Sodra die mengsel kookpunt bereik, gooi die meelpasta in.

Roer vinnig tot dik en verwyder van die hitte.

Voeg die gerasperde kaas, knoffel en pietersielie by.

Geur met die sout en peper.

Gebraaide piesangs met karamelsous

H en E piesang

Bestanddele

6 piesangs

50 ml botter

65 ml sagte bruinsuiker

45 ml (3 e) goue stroop

45 ml (3 e) dik room

vanieljegeursel na smaak

vanieljeroomys na smaak

Maak so

Braai die piesangs oor die kole tot die skil verbruin.

Plaas die botter, suiker, stroop, room en geursel in ’n klein potjie en roer oor die kole tot die suiker gesmelt het.

Verwyder die piesangs se skille en sit in poedingbakkies.

Gooi ’n bietjie sous oor elk.

Sit voor met vanieljeroomys en drup nog sous oor.

Ruben en Lydia se resepte

reuben en lydia

Beesfilet met béarnaise-sous

1,5-2 kg beesfilet

250 ml (1 k) teriyakisous

olyfolie

6 takkies vars roosmaryn

R en L bord

Stappe

Marineer die filet oornag in die yskas in die teriyakisous, olyfolie en roosmaryn.

Laat die vleis tot kamertemperatuur kom en braai op die rooster oor die kole.

Maak seker die vuur is baie warm voor jy die vleis opsit.

Om die hitte van vuur te toets: Jy moet jou hand nie langer as 5 sek. oor die kole kan hou nie.

Braai 15-20 min. Bedruip deurgaans met die marinade en draai gereeld om.

Laat die vleis rus op ’n bord.

Bedek so 10 min. met ’n stukkie foelie voor jy dit in repies sny.

Bedien met béarnaise-sous.

Béarnaise-sous

R en L bearnaise sous

250 g botter

30 ml (2 e) wit balsemieke asyn

2 eiergele

5 ml (1 t) Dijon-mosterd

5 ml (1 t) droë dragon

sout en peper na smaak

Maak so

Smelt die botter en skep die skuim af.

Laat afkoel.

Kook die asyn in ’n pan tot die helfte afgekook het en laat afkoel.

Voeg die eiergele en mosterd by die asyn in ’n glas- of vlekvryestaalbak en plaas oor ’n pot warm water op die stoof oor lae hitte.

Meng 2-3 min. tot romerig.

Verwyder van die hitte en meng die botter ’n paar druppels op ’n slag in tot die sous dik raak.

Voeg die dragon, sout en peper by.

Sit voor saam met die steak.

Ruben se gebraaide aartappels

r en l gebraaide aartappel

Bestanddele

ongeveer 1 heel aartappel per persoon

sout vir kook

knoffelbotter na smaak

groentespeserye of Aromat na smaak

Maak so

Kook die aartappels met ’n bietjie sout tot gaar.

Sny die aartappels lengtegewys in die helfte.

Sny met ’n mespunt klein repies in die aartappels.

Smeer die knoffelbotter oor en sprinkel die groentespeserye of Aromat oor.

Braai in ’n toeklaprooster tot krakerig.

Ons weergawe van ’n groentepak

r en l groente

Eiervrug

sout vir oorstrooi

gemengde speserye na smaak

olyfolie

groen, geel en rooi soetrissies

murgpampoentjies

sampioene

knoffelbotter

balsemieke asyn

mozzarellakaas

wit cheddarkaas

bloukaas

sout en peper na smaak

Maak so

Sny die eiervrug in sirkels, sprinkel die sout oor en laat staan 30 min.

Spoel goed af en maak droog met ’n kombuishanddoek.

Geur met die speserye, besprinkel met die olyfolie en braai alkant.

Braai die soetrissies tot die vel alkant blasies maak en swart raak.

Laat hulle 5 min. in kleefplastiek sweet.

Trek die velle af en sny in blokkies.

Braai die murgpampoentjies en sampioene in die knoffelbotter in ’n pot oor die kole.

Pak die groente in lae in die pot. Besprinkel met die olyfolie en balsemieke asyn en geur met die sout en peper.

Voeg die drie kase by na smaak.

Verhit oor die kole tot die kaas gesmelt is.

Geurige braaivleisbroodjie

r en l chakalaka broodBestanddele

500 ml (2 k) koekmeel

15 ml (1 e) bakpoeier

sout en swartpeper na smaak

4 ekstragroot eiers (of 5 kleineres), met ’n vurk geklits

1 x 410 g-blik chakalakasous

80 ml (¹/3 k) gerasperde cheddarkaas

Maak so

Voorverhit die oond tot 180 °C.

Smeer ’n broodpan liggies met botter of bespuit met kossproei.

Sif die droë bestanddele saam en voeg die eiers, chakalaka en kaas by.

Meng alles goed met ’n houtlepel tot loperig.

Skep die mengsel in die gesmeerde pan.

Sprinkel ekstra kaas oor indien verkies.

Bak sowat 45 min. tot gaar.

Ma Piet se patatwiele

r en l pampoenwiele

Bestanddele

1 rol skilferkorsdeeg

2 groot wurgpatats

10 ml (2 t) fyn kaneel

10 ml (2 t) vlapoeier

5 ml (1 t) donkerbruin, taai bruinsuiker per wiel

200 ml melk

250 ml (1 k) vars room

Maak so

Voorverhit die oond tot 180 °C.

Laat die skilferkorsdeeg ontdooi tot amper sag.

Rol af van plastiek. Moenie uitrol met ’n koekroller nie.

Kook die patats en laat afkoel. Skil af en maak fyn.

Voeg die kaneel en vlapoeier by en meng goed.

Skep in ’n dun lag oor die skilferkorsdeeg.

Rol weer netjies op en draai styf toe in kleefplastiek.

Sit in vrieskas vir 2 uur.

Haal uit en verwyder die kleefplastiek.

Sny in wiele.

Pak die wiele plat in ’n gesmeerde oondpan.

Sit 1 t bruinsuiker op elke wiel.

Meng die melk en room en skink bo-oor die wiele sonder om die suiker af te spoel.

Bak sowat 15 min.

Maak seker dat die skilferkorsdeeg mooi gerys het en die suiker bo-op goed gesmelt en lekker bruin is.

Sit voor met roomys of vars geklopte room soos

Zendie en Michael se resepte

zendi en michael

Gevulde hoender toegedraai in spek

z en m bord

Bestanddele

6 hoenderfilette

12 pikantrissies, fyn gekap

18 stukkies fetakaas (sowat 3 per filet)

24 gevulde olywe (sowat 4 per filet)

repiesspek, genoeg vir rondom die filette

cayennepeper

sout en peper

gedroogde pietersielie

hoenderspeserye

Maak so

Sny die filette in die middel deur en vlek oop.

Sny en pak die pikantrissies, feta en olywe in die oopgesnyde filette.

Gooi ’n knippie cayennepeper, sout, pietersielie en hoenderspeserye oor die vulsel in die hoender.

Maak die hoenderfilette toe.

Sprinkel ’n bietjie pietersielie, sout en peper op die buitekant van die filette.

Plaas die repiesspek op die bord en sit die filette bo-op die spek. Rol die spek om die filette tot elke deel van die filet lekker bedek is.

Maak die toegedraaide filette styf vas met tou om die vulsel binne te hou.

Besprinkel weer die toegedraaide filette met ’n bietjie pietersielie, sout en peper kort voor dit gebraai word.

Braai sowat 20-30 min. oor die kole tot die spek krakerig is en die hoender gaar.

Sampioensous

z en m sampioensous

Bestanddele

sampioene

250 ml (1 k) room

250 ml (1 k) water

knippie sout en peper

Maak so

Sny die sampioene en sit in ’n kastrol.

Voeg die room en water by en bring tot kookpunt.

Roer stadig tot die sous lekker dik en die sampioene gaar is.

Geur met die sout en peper.

Sit voor oor die gebraaide filette.

Framboos-avokado-en-grondboontjie-slaai

z en m slaai

Bestanddele

1 kop blaarslaai

250 g frambose

1 komkommer

250 g pekanneute

2 avokado’s

2 blokke grondboontjiebroslekkers

3 wiele fetakaas

Maak so

Sny die blaarslaai in repies en pak op die slaaibord.

Sny die frambose in die helfte en strooi oor die blaarslaai.

Sny die komkommer en pak om die rand van die bord.

Breek die pekanneute en sprinkel dit oor en tussen die slaai.

Sny die avokado’s in blokkies en meng met die slaai.

Breek die grondboontjiebroslekkers in stukke en gooi tussenin.

Krummel die fetakaas oor die slaai.

Sit voor met of sonder slaaisous.

Karamel-deegbolletjie

z en m karamelbolletjies

Bestanddele

2 kg deeg

250 ml (1 k ) room

60 ml (¼ k) karamelsuiker

Maak so

Voorverhit die oond tot 180 °C.

Rol die deeg in gholfbalgrootte balletjies.

Pak in ’n bak en plaas 20-30 min. in die son om te rys.

Sodra die bolletjies gerys het, bedek die bak waarin jy dit gaan bak se bodem met die karamelsuiker.

Pak die bolletjies op die suiker.

Skink die room gelyk oor die deegbolletjies.

Bedek met tinfoelie.

Bak 20 min. in die oond.

Verwyder die tinfoelie en bak nog 10 min. sodat die deegbolletjies goudbruin raak bo.

Sit voor saam met die hoofgereg vir ’n soetigheidjie.

Gevulde perskes met pekanneute, karamelsous en rooibos-mousse

z en m perskes

Bestanddele

500 ml (2 k) room

60 ml (¼ k) karamelsuiker

3 groot perskes

250 g pekanneute

4 eiers

200 g suiker

25 ml (5 t) gelatien

180 ml (¾ k) sterk rooibostee (gebruik 1 sakkie tee)

30 ml (2 e) heuning

suurlemoensap vir smaak

Vir die sous

Gooi 400 ml van die room in ’n kastrol en bring tot kookpunt.

Wanneer die room kook, voeg die karamelsuiker in sarsies van 20 ml (4 t) by.

Laat die karamelroommengsel lekker deurkook en verwyder van die plaat.

Vir die perskes

Was die perskes af.

Sny in die helfte en haal die pit uit.

Gooi die pekanneute in ’n pan en rooster op die kole.

Sit elke perske op ’n aparte stukkie tinfoelie en bedek met die karamelroomsous.

Sprinkel die pekanneute oor en maak die tinfoelie toe.

Sit elke tinfoeliebol sowat 15 min. op die kole (dit moet nog ferm maar tog sag wees).

Vir die mousse

Bespuit die bakkies waarin jy die mousse gaan voorsit met kossproei.

Klits die eiers en suiker saam tot lig en donsig.

Los die gelatien op in die rooibostee.

Voeg die heuning en suurlemoensap by wanneer al die gelatien opgelos is.

Vou die gelatienmengsel liggies in by die eier-en-suiker-mengsel.

Vou die room liggies by die mengsel in.

Gooi die moussemengsel eweredig in die bakkies en sit oornag in die yskas om te stol.