ADVERTENSIEARTIKEL | SANLAM RISIKO

“. Jy moet fokus op jou gesondheid en om deur die behandeling te kom – nie op hoe jy daarvoor gaan betaal nie,” sê Lorraine.

Die Kansa-feitestaat oor borskanker, swangerskap en borsvoeding lui: “By een uit 3 000 vroue sal borskanker gediagnoseer word tydens hul swangerskap of terwyl hulle borsvoed.”

Lorraine was 33 weke swanger, pasgetroud en het saam met haar man ’n huis gekoop. Die lewe het volgens plan verloop. Toe word fase 1-aggressiewe borskanker by haar gediagnoseer en haar lewe verander. “Dit was onwerklik. Ek was bang en het onseker gevoel,” vertel sy. “Ek was op die punt om die vreesaanjaende reis van ma-wees aan te pak terwyl ek ook kankerbehandeling moes ondergaan.” Behalwe dat sy die emosionele en sielkundige impak van haar diagnose moes verwerk, was Lorraine verbaas oor die onverwagte finansiële koste van kanker. “Jou mediese fonds gaan waarskynlik nie al die koste dek wat met onkologie verband hou nie. Sommige vroue benodig verdere behandeling ná chemoterapie en dit kan tot R400 000 kos. Hoewel die meeste van my behandelings en operasies gedek is, het my privaatsorg-behandelings onverwagte bybetalings beteken.”

"Ek het gedink ek is jonk en onoorwinlik"

Lorraine is tans in remissie, maar die ervaring het haar geleer hoewel ’n mens jou nooit ten volle kan voorberei op die lewe se onverwagte gebeure nie, jy kan verseker jy is finansieel gedek. “Nie een van ons dink ons kan ernstig siek word nie. Ek het gedink ek is jonk en onoorwinlik. Maar my ervaring het my geleer ek moet bereid wees om die onverwagte te verwag.”

Wanneer ’n gevreesde siektes soos kanker by jou gediagnoseer word, strek die finansiële implikasies daarvan verder as die koste van jou behandeling. Jy gaan dalk baie tyd weg van die werk moet wees en jou normale uitgawes sal steeds gedek moet word. As jy nie die regte dekking het om koste te dek waarvoor jou mediese fonds nie betaal nie, kan dit ’n vernietigende impak op jou geldsake hê.

Dr. Jack van Zyl, mediese raadgewer by Sanlam, sê mense moet drie kritieke gebiede van dekking oorweeg:

Inkomstebeskerming

Afgesien van jou mediese fonds is dit die belangrikste dekking, veral as jy vir jouself werk. Inkomstebeskermingsvoordele het verskillende wagtydperke wat bepaal hoe gou jy uitbetaal word ná jou diagnose. Dit sal die produk se bekostigbaarheid beïnvloed. Hoe korter die wagtyd, hoe duurder die voordeel, maar dan sal jou eis vroeër tydens jou tydperk van ongeskiktheid uitbetaal word.

Gevreesdesiektedekking

Dekking vir gevreesde siektes bied kritieke finansiële bystand deur vir jou geld te gee om te betaal vir behandeling wat jou mediese fonds dalk nie dek nie, soos rekonstruktiewe chirurgie in die geval van borskanker, of duur biologiese middels wat gebruik word om verskillende soorte kanker te behandel. Dit help ook deur nie-mediese onkoste, soos reiskoste na spesialiste, verblyfkoste vir familie en vriende of bykomende sorg vir jou kinders te dek.

Ongeskiktheidsdekking

As jy skuld het, moet jy dit oorweeg om ongeskiktheidsdekking te kry wat ’n enkelbedrag uitbetaal as jy permanent ongeskik raak weens jou siekte. Indien jy ongeskiktheidsdekking wil hê, sal ’n behoeftebepaling gedoen word wat jou inkomste in ag neem, asook hoeveel bestaande ongeskiktheidsdekking jy het.

Besoek sanlam.co.za vir Lorraine se volledige storie.