ADVERTENSIE | FLORA PRO.ACTIV

ESY-001195390

’n Gesonde leefstyl is een van die hooffaktore wat daartoe bydra dat jou cholesterolvlakke laag bly. Genoeg oefening is belangrik, maar ook om die regte kosse en die regte porsies daarvan te eet.

Daar is vele maniere waarop jy steeds dieselfde heerlike maaltye kan geniet deur net ’n gesonder kinkel by te voeg, soos Flora pro.activ, wat jou cholesterolvlak met tot 15 persent kan verlaag as jy vir 21 dae daagliks 25 g daarvan eet.

As deel van Flora se 21 dag lange cholesterolveldtog het die mense van Villiersdorp voedingswenke en kookklasse gekry wat hulself en hul gesin sal bevoordeel. Berna Harmse, ’n dieetkundige by die Panorama Mediese Sentrum, het ook ’n paar vrae beantwoord.

Van watter vette moet ek minder eet vir beter cholesterolresultate?

Versadigde vette teenoor transvette 

Versadigde vette verhoog LDL-cholesterol en verlaag HDL-cholesterol. Dierprodukte soos botter, volroommelkprodukte, vetterige vleise en souse, gebak, skyfies, sjokolade, toffie, klapper- en palmolie bevat onder meer versadigde vette.

Transvette hou ook ’n groot risiko vir hartsiektes in. Transvette word gevorm wanneer vette wat by kamertemperatuur vloeibaar is chemies verhard word om harde of blokmargarien te maak, of wanneer olie verouder of weer gebruik word. Nie alle blokmargarien bevat transvette nie, so kyk op die verpakking.

Watter vette is goed?

Versadigde vette moet met mono-onversadigde en poli-onversadigde vette vervang word in jou dieet. Soos reeds genoem, mono-onversadigde verlaag vette LDL-cholesterol en dit verhoog HDL-cholesterol. Onversadigde vette kom voor in onder meer olyf- en kanolaprodukte, druiwepit- en soja-olie, avokado’s, neute en sade. Hulle bevat baie kilojoules en moet met matigheid geëet word as jy wil gewig verloor.

Watter ander kosse kan cholesterol help verlaag?

Die inname van meer oplosbare vesel verminder LDL-cholesterolvlakke beduidender as bloot ’n dieet met min versadigde en transvetsure en cholesterol.

Bronne van oplosbare vesel

Hawermout, semels, psilliumsaad, gort.

Peulgewasse: droë erte, bone en lensies.

Pektienryke vrugte: appels, sitrusvrugte, piesangs en aarbeie.

Groente: patat, groenbone, wortel en broccoli.

Hoe sal ’n porsie vet lyk?

B1 t (5 ml) sagte margarien

B2 t (10 ml) laevetsmeer

B1 e (15 ml) laevetslaairoom of Franse slaai-

sous met minder olie

B1 t (5 ml) groenteolie (sonneblom, kanola, olyf)

B10 ml (2 t) grondboonbotter of 10 grondbone

B2 okkerneute, 5 amandels, 5 kasjoeneute of

4 pekanhelftes

B1 e (15 ml) saad

B1/8 avokado

B10 olywe

Hoe kan ek my soutinname verminder?

Moenie sout byvoeg terwyl jy kos maak as jy weet jy gaan aan tafel weer sout bygooi nie en andersom.

Onthou dat baie verwerkte kosse sout bevat – ontbytpap, kaas, toebroodjiesmeer, gepiekelde en gerookte kos, om maar ’n paar te noem. Hou jou daarom in wanneer jy volgende keer na die soutpot gryp wanneer jy ’n ham-en-kaastoebroodjie eet.

Gebruik pleks van sout kruie en speserye, brand- en pikant­rissies, mosterd, asyn, suur­lemoensap en swartpeper as geurmiddels. Vermy byvoorbeeld marinades, sojasous en sop. Vermy southappies soos bereide springmielies, tjips, neute en kraakbe­skuitjies.

Leer etikette lees. Laesoutkosse bevat 140 mg of minder sout per porsie en soutvrye kosse minder as 5 mg per porsie.

Wees ook op die uitkyk vir die Hart-en-beroertestigting se kenteken; dit is ’n betroubare aanduiding dat dit ’n laesout­produk is.

Is daar ’n makliker manier om my porsies te beheer?

’n Maklike manier om die grootte van porsies te onthou, is om jou hand te gebruik: Een vleisporsie is so groot soos jou palm, jou vuis is die maatstaf vir koolhidrate (soos pasta) en jou duim vir vette. Groente en slaai is twee oop hande vol.

Hoe lyk die ideale bord kos?

Verdeel jou bord denkbeeldig in twee helftes. Die een helfte van die bord moet uit groente en slaaie bestaan en die ander moet in vleis en proteïen verdeel wees. Die uitdaging is om eindelik die koolhidrate en proteïen as die bykosse te begin beskou en die groente en slaai as die hoofgereg.

Sal kookmetodes cholesterol­vlakke help verlaag?

Rooster, bak op ’n rak of in foelie, braai, mikrogolf en stoom, of “droogbraai” in ’n kleefvrye pan met ’n smeersel olie.

Vervang geroosterde groente en gebraaide aartappelskyfies met “drooggebakte” items: Sny groente (byvoorbeeld aartappels, pampoen en wortels) in stukke, verf dit met ’n bietjie olie en ’n mengsel kruie en speserye en bak dit in die oond tot gaar.

Al proe dit hoe lekker, kosse in deeg bevat baie vet. Blaardeeg is ’n laevet-alternatief wat jy vir bak kan gebruik.

Kook met verminderdevet-bestanddele: gewone jogurt pleks van room, afgeroomde melk pleks van volroommelk, laevet-margarien pleks van die harde bloksoort.

hg-table