ADVERTENSIE| FLORA PRO.ACTIV

[caption id="attachment_67161" align="aligncenter" width="600"]Villiersdorp inwoners Douw en Susan Steyn geniet dit om te loop Villiersdorp inwoners Douw en Susan Steyn geniet dit om te loop[/caption]

Villiersdorp se mense het die uitdaging aanvaar om hul cholesterolvlak te verbeter met ’n draf-en-stap-plan van 21 dae

FIKSHEID en daaglikse oefening is baie belangrik vir die handhawing van ’n gesonde leefstyl. In Flora se 21 dae lange Cholesterol-uitdaging is voedings- en fiksheidsaktiwiteite onder die aandag van die inwoners van Villiersdorp gebring met die oogmerk om hul cholesterolvlak te verlaag.

Die doelwit om binne drie weke 5 km te draf en stap is bereik met ’n maklike en hanteerbare oefenplan wat vir alle fiksheidsvlakke ontwikkel is.

Die fiksheids- en welstandskenner Lisa Raleigh sê kardiovaskulêre oefening is ’n noodsaaklike deel van enige oefenprogram.

“Dis belangrik om kilojoules te verbrand, uithouvermoë te bou en kardiovaskulêre gesondheid te verbeter. Met dié dat draf en stap die algemeen toeganklikste soort oefening is, sal dit geduld en dissipline verg om ’n doelwit van 5 km te behaal, veral as jy geen drafervaring het nie, maar dis dalk nie so moeilik as wat jy dink nie.”

Sy sê wanneer jy jou tot ’n fiksheidsprogram verbind, is dit belangrik om daarby te hou om bestuurbare, betroubare vordering te maak.

“Deur bloot algaande meer te draf en minder te stap, sal jy kort voor lank ’n drafsessie van

5 km met gemak kan baasraak en die gesondheids- en skoonheidsvoordele pluk wat daarmee gepaardgaan,” sê sy.

Met die fiksheidsgids (regs) wat Lisa ontwerp het, kan jy afwisselend draf en stap om jou cholesterolvlak te verlaag. Vir die beste resultate, eet ook 21 dae lank 25 g Flora pro.activ per dag om jou cholesterolvlak met 15 persent te verlaag.

BEGIN SO

  • Oefen minstens drie keer per week. Hier is drie oefensessies; herhaal bloot die tweede of derde oefensessie as jy meer wil oefen.

  • Oefen altyd sowat 30-45 minute. Dis ’n voldoende oefensessie vir ’n beginner of groentjie en sal jou oefentye bestendig hou, al sluit dit later meer draf as stap in. Namate jy verbeter, sal jy van die 30-minute-merk na 45 minute beweeg, maar probeer enige groter tydvariasie vermy. Die intensiteit van jou sessie sal verhoog soos jou fiksheidsvlak verbeter; daarom bly hulle uitdagend, al word hulle nie langer nie.

  • Hou by jou oefenprogram. Weerstaan die versoeking om die weeklikse riglyne te oorskry, want die toenemende intensiteit kan moeilik wees om te handhaaf. Geniet dit om jou weeklikse doelwit te bereik en te handhaaf, en sien uit na die volgende week se uitdaging.

hg-tabel2