Enkelbeen-kringe

Hierdie een gaan jou maagspiere oefen as jy jou heupe stil op die vloer hou. Lê op jou rug met jou arms langs jou, handpalms na onder, en lig een been op in die rigting van die dak. Trek terselfdertyd jou maag in. Terwyl jy jou been in die lug hou, moet jy jou verbeel jy balanseer ’n bord op jou groottoon; draai dit om dit in die lug te hou. Jy gaan voel hoe dit jou maagspiere saamtrek, wat jou met tyd beter spiertonus gaan gee.

Beenspronge (lunges)

Kry jou agterstewe en bene weer hoe hulle voor jou swangerskap was. Staan regop met jou hande op jou heupe en jou voete bymekaar; maak seker jou postuur is reguit. Neem ’n groot stap vorentoe met een been en maak seker albei knieë is teen ’n hoek van 90 ° gebuig. Druk op die hak van die uitgesteekte been om jou weer in die oorspronklike posisie te kry. Jy kan begin met een-drie-stelle van tussen 10 en 20 herhalings.

Knielende bekken-drukke

Soos die naam voorstel, kniel jy op jou arms en bene en maak seker jou tone raak aan die vloer en jou arms wys reguit af van jou skouerlyn af. Jou handpalms moet aan die vloer raak en jou rug moet in ’n reguit, gemaklike posisie wees. Haal stadig asem en trek jou agterstewe vorentoe, terwyl jy jou bekken effens vorentoe druk. Hou dié posisie sowat drie sekondes (vyf as jy dapper is) voor jy uitasem en jou posisie los.

Kegel-oefeninge

Dit oefen ook jou bekkenspiere, maar is ’n bietjie meer gepas vir beginners. Vind ’n bank of ferm sofa en sit met jou voete in lyn met jou skouers en jou hande op jou heupe. Trek jou bekkenspiere stadig saam, asof jy wil keer dat jy die toilet gebruik, en staan stadig op. Hou die posisie, en sit dan weer. As jy dit ’n bietjie uitdagender wil maak, kan jy een voet voor jou plaas soos jy opstaan en jou elmboë buitentoe buig om jou hande voor jou bors te vou. Die been voor jou kan effe opgelig word terwyl jy die posisie hou, en jy kan tussen elke stel een-drie-herhalings bene omruil.

- Cover Media

Volg ons gerus op Facebook en Twitter en kom speld saam op Pinterest.