Dié 32-jarige lyk etlike jare ouer weens die superior mesenteriese arterie-sindroom, oftewel SMAS, waaraan sy ly.

Die siekte, wat in 2013 by haar gediagnoseer is, veroorsaak dat sy geen vaste kos kan eet sonder dat sy opgooi en kwaai pyn te voel nie.

Wêreldwyd is daar net sowat 400 opgetekende gevalle, met een uit elke drie mense wat daaraan ly wat sterf.

Lisa is vandag ’n skadu van haar ou self. Sy het binne net twee jaar meer as 20 kg verloor. “Ek was opgewek, sosiaal, gesond en gelukkig,” vertel sy. “Nou is ek gedurige in pyn en steun die meeste van die tyd op ander mense.”

Sy vertel dat sy selde haar huis verlaat omdat mense haar aanstaar. “Mense sal na my kom en vir my sê ek is te maer; ek lyk nie goed nie.” Sulke woorde maak haar seer.

Haar man, Patrick Brown, is ook baie bekommerd oor sy vrou se gesondheid daagliks agteruitgaan. Ten spyte van etlike dokters wat probeer het om haar spysverteringstelsel reg te maak, was niemand nog suksesvol nie.

“Ek is vreesbevange haar toestand gaan vererger,” sê Patrick.

Lisa “eet” op die oomblik deur ’n buisie en kry elke dag vloeistowwe as voeding in. Dit gee haar die nodige voedingstowwe om aan die lewe te bly.

“Soggens is die beste tyd; dan is ek in die minste pyn,” sê sy.

Op die oomblik is daar nie veel wat mediese vir Lisa kan doen nie. Maar nietemin bly sy positief. “Ek wil nie net die publiek inlig oor SMAS nie, maar ook die mediese wêreld. Wees jou eie kampvegter.”

Kyk hier na ’n kort dokumentêr oor Lisa se storie:

Bronne: Huffington Post; Daily Mail