Die Suid-Afrikaanse kunstenaar Steven Cohen is die afgelope week in Parys in hegtenis geneem vir onbetaamlike ontbloting.

Steven het Dinsdagoggend halftien by die Eiffeltoring uit sy voertuig geklim en voor honderde toeriste saam met ’n haan rondgeloop. Steven het self na ’n haan gelyk, kompleet met lang rooi handskoene, vere op sy kop en hande en hoëhakskoene. Die haan se leiband was van lint en aan Steven se geslagsdele vasgemaak.

Vir foto’s van Steven se optrede, klik hier.

Kort voor lank het die Paryse polisie hom in hegtenis geneem vir onbetaamlike ontbloting, berig Le Parisien. Hy is wel later die dag vrygestel, maar moet op 16 Desember in die hof voorkom.

Dié kunstenaar is bekend om sy omstrede kunswerke, wat dikwels handel oor sy identiteit as ’n gay Joodse man, skryf die Huffington Post.

Saamgestel deur Shané Barnard