Wie het nou gedink Kim Kardashian West kan snaaks wees?

Die 34-jarige werklikheidster steek die draak met haarself in ’n nuwe Super Bowl-advertensie vir die selfoonmaatskappy T-Mobile. “Haai, ek is Kim,” sê sy terwyl haar naam op die skerm flits met haar titel, “beroemde persoon”. Hoe anders?

In die advertensie moedig die selfie-koningin mense aan om liewer die data wat hulle nie gebruik nie, aan haar te bestee deur na haar selfies te kyk.

“Elke maand word miljoene GB se ongebruikte data teruggeneem deur maatskappye wat koordlose dienste lewer. Tragies,” sê sy ewe ernstig in die kamera. Kim vertel en wys ook boonop wat jy alles misloop deur nie jou data te gebruik nie – van haar grimering en uitrustings tot haar weelderige vakansies.

Kyk die advertensie hier: