Troian Bellisario (28) het ’n interessante artikel geskryf oor die meriete van reekse wat op jong mense gemik is en hoe dit dikwels oor die hoof gesien word.

“Almal sê dis die goue era van televisie. Daar is soveel wonderlike reekse, met nuwe idees en karakters wat die grense uitdaag. Daar is ’n oorvloed gehalte-kunstenaars wat hul talent in dié medium pleks van in die rolprentwese gebruik. En daar is soveel verskillende maniere om ’n storie te vertel, ’n verskeidenheid style en genres wat alles gevier en verken word,” skryf Troian.

“Hoekom dan, met al die verskillende soorte reeks wat hierdie Emmy-seisoen erkenning kry, word reeks soos myne, ‘tienerreekse’, as nietig afgemaak? As blote bloosplesiertjies wat te jeugdig is om stof te bevat wat pryse verdien? Wat as hulle ook goeie stories vertel, net op ’n ander manier?

Troian skryf verder: “Ek vergelyk nie ons reeks met enige ander reeks nie, en ek vergelyk my nie met enige ander akteur nie (veral nie Bryan Cranston nie), maar as iemand wat in ’n tienersepie speel, kan ek vir jou sê ek werk met ’n span akteurs en tegnici wat op soek is na dieselfde waarhede oor die mens en wat ook daarna streef om hierdie waarhede met meesleurende diepte en uitnemendheid oor te dra. Ons volg net ’n anderse styl van storievertelling. En dit verdien ook ernstige oorweging.”

Besoek THR.com om die volledige artikel te lees.

Ekstra bronne: justjaredjr.com; thr.com