Die oudsoldaat Scott Loxley (47) samel sedert 2013 geld in deur om die Australiese kontinent te loop met ’n Stars Wars Stormtrooper-kostuum.

Vandeesweek het ’n 1 m lange Australiese bruinkapel hom aan die been gebyt toe hy in ’n afgesonderde deel van die land teen ’n heuwel uitstap.

Dié dodelike slang slaan sy tande in en spuit groot hoeveelhede gif in, meer as enige ander slang ter wêreld.

“Die plastiekpantser (van die kostuum) het my beskerm,” het Scott op Facebook geskryf.

“Ek het gevoel hoe die tande die plastiek skraap, maar die uitrusting het dit afgeweer. So vir almal wat met die Stormtrooper-kostuum spot en sê dit kan nie dit of dat doen nie, sê ek: Dit het vandag my lewe gered.”

Bronne: The Daily Telegraph en TIMESLive