Krieket kyk is vir baie mense sinoniem met die Suid-Afrikaanse somer en die tyd vir internasionale krieket op eie bodem, het weer aangebreek.

Kort ná die Suid-Afrikaanse krieketspan Pakistan 2-0 in ’n T20-reeks in Doebai verslaan het, speel die twee spanne weer teen mekaar; dié keer in Suid-Afrika. Die eerste wedstryd is Woensdagaand op die Wanderers in Johannesburg gespeel. Reën het die kragmeting bederf, maar Suid-Afrika het die wedstryd gewen te danke aan die Duckworth-Lews-stelsel. Die tweede en laaste T20-wedstryd word vanaand op Nuweland gespeel.

Hierna sal die Proteas ook drie eendagwedstryde teen Pakistan speel. Die reeks sal as goeie voorbereiding dien vir die eendag- en toetsreekse teen Indië, wat in Desember tuis gespeel word.

So lyk die rooster vir die res van die Pakistan-reeks:

22 November

 T20-wedstryd: SA vs. Pakistan, Nuweland, Kaapstad (18:00)

24 November

Eendagwedstryd: SA vs. Pakistan, Nuweland, Kaapstad (10:00)

27 November

Eendagwedstryd: SA vs. Pakistan, St. George’s, Port Elizabeth (10:00)

30 November

Eendagwedstryd: SA vs. Pakistan, SuperSport-park, Centurion

  • Die wedstryde word op SABC3 en SuperSport uitgesaai.
  • Ondersteun die Proteas

    Gaan na www.Ticketpros.co.za as jy kaartjie wil koop vir die somer se internasionale krieketwedstryde.

Suzaan Hauman