Katte en honde het kragte gemeet teen verskeie diere, onder meer ’n haan en ’n geel eend, berig die Chinese staatsbeheerde nuusdiens. Die resies het plaasgevind teen sneeubedekte hange in die provinsie Henan.

Die 40 mense-deelnemers kon hul diere op ski’s of sleë plaas, of aan ’n halsband lei terwyl hulle ski.

Die onverwagte uitslag herinner aan ’n ou Griekse fabel waarin ’n skilpad ’n haas klop: Die dopdraer het die haas geklop en die derde plek behaal.

Die berig lui: “Omdat die haas so graag wou spring en nie sy eienaar se opdragte gehoorsaam het nie, het die skilpad hom verbygesteek.”

Die skilpad, wat gewoonlik in die winter hiberneer, het glo op sy eienaar se ski-toerusting gery.

Foto’s toon ’n geel eend wat die hange aandurf in ’n spoggerige rooi das, met twee honde wat hom verstom aanstaar. Hoewel die eend laaste oor die wenstreep gewaggel het, hou sy eienaar ’n rooi eresertifikaat omhoog.

Die geveerde dierasie se “uithouvermoë het toeskouers sprakeloos van bewondering gelaat”, lui die berig.