Dermatoloë voer aan die gereelde nekbuigings na die skerm laat jou nekvel en wange hang en veroorsaak ’n kenmerkende lyn bo jou sleutelbeen.

Mense tussen 18 en 39 wat gemiddeld drie digitale toestelle gebruik en ongeveer 150 keer per dag na die skermpies staar, kry ’n vou in hul nek – die sogenaamde tegnonek.

“Plooie en los vel om die gesig steek gewoonlik eers kop uit in die middeljare, maar in die afgelope 10 jaar het dit ’n probleem geword vir ’n jonger geslag vroue weens die tegnonek,” sê Christopher Rowland Payne, ’n dermatoloog by ’n Londense kliniek.

Ander kenners beweer ook die afwaartse beweging van die nek kan nog plooie om die ken en die res van die nek veroorsaak.

Bronne: TIMESLive en The Daily Telegraph